Nonm 14:10 - Labib An Kreol Seselwa

¹⁰ Kominote Izrael ti pe menase pour saboul zot avek ros, me en sel kou, laglwar SENYER ti aparet kot Latant, devan pep Izrael.

Nonm 14:10 Referans Kwoze

Egzod 17:4

Alor, Moiz ti kriy ver SENYER, “Ki mon pou fer avek sa pep? Zot pre pour saboul mwan avek ros.”

Levitik 9:23

Moiz ek Aaron ti antre dan Latant Rankont. Kan zot ti sorti, zot ti beni lepep e laglwar SENYER ti aparet devan lepep antye.

Egzod 16:10

Pandan ki Aaron ti pe koz avek pep Izrael antye, zot ti get ver dezer e zot ti war laglwar SENYER aparet dan nyaz.

Matye 23:37

“Zerizalenm! Zerizalenm! Ou ki touy bann profet e saboul a koudros bann ki Bondye in anvoy kot ou! Konbyen fwa mon'n oule rasanble ou bann zanfan parey en mer poul i rasanble son bann piti anba son lezel, me ou pa'n oule!

1 Samyel 30:6

David ti dan en gran tourman, akoz lepep ti pe mazin saboul li akoud ros. Zot tou, zot ti bokou ankoler, sakenn pour son bann garson e bann fiy. Me David ti repran kouraz e met son konfyans dan SENYER, son Bondye.

Nonm 20:6

Moiz ek Aaron ti sorti e al devan lantre Latant Rankont SENYER. Zot ti prosternen lafas ater e laglwar prezans SENYER ti aparet avek zot.

Nonm 16:42

Apre ki zot ti'n rasanble kont Moiz ek Aaron, ler zot ti tourn zot ver Latant Rankont SENYER, nyaz ti desann e kouver latant e laglwar SENYER ti aparet.

Nonm 16:19

Alor, Kore ti rasanble pep Izrael kont zot devan Latant Rankont SENYER. Laglwar SENYER ti aparet avek kominote antye.

Egzod 16:7

e demen bomaten, zot pou war laglwar SENYER, akoz in antann zot pe mirmire kont li. Ki nou ete, pour zot mirmire kont nou?”

Akt de Zapot 7:59

Pandan ki i ti pe ganny saboule, Etyenn ti fer sa lapriyer, “Senyer Zezi! Resevwar mon lespri!”

Akt de Zapot 7:52

Lekel profet ki zot bann zanset pa'n persekite? Zot in touy tou bann ki'n anons larive sa enn ki Zis. Aprezan, li menm ki zot in trai e ki zot in touye.

Egzod 40:34

Alor, en nyaz ti vin kouver Latant Rankont e laglwar SENYER ti ranpli sanktyer.

Nonm 17:7

Moiz ti depoz sa bann baton devan SENYER dan Latant Temwannyaz.