Nonm 12:8 - Labib An Kreol Seselwa

⁸ Mon koz avek li fas a fas san servi okenn parabol e i menm war mon laform! Koman eski zot oze koz kont mon serviter Moiz san okenn lafreyer.

Nonm 12:8 Referans Kwoze

Deterononm 34:10

Zanmen en lot profet parey Moiz in leve dan Izrael. SENYER ti koz avek li fas a fas.

1 Korentyen 13:12

Aprezan, nou war en zimaz flou ki reflekte dan en laglas; me plitar, nou pou war fas a fas. Sa ki mon konnen ozordi, i enkonplet; me plitar, mon pou konn Bondye konpletman, parey li menm i konn mwan.

Egzod 33:23

Apre, mon pou tir mon lanmen e ou ava war mwan par ledo; me ou pa pou kapab war mon vizaz.”

Egzod 33:11

SENYER ti abitye koz avek Moiz fas a fas parey en zonm i koz avek son zanmi. Apre, Moiz ti retourn dan kan, tandis ki son serviter Zozye, garson Noun, ti reste dan Latant Rankont.

Levanzil dapre Lik 10:16

Sa enn ki ekout zot, i ekout mwan; sa enn ki rezet zot, i rezet mwan, e sa enn ki rezet mwan, i rezet sa Enn ki'n anvoy mwan.

Levanzil dapre Zan 15:15

Mon nepli apel zot serviter, akoz en serviter pa konnen sa ki son met i fer. Me mon apel zot zanmi, akoz mon'n dir zot tou sa ki mon Papa i'n dir mwan.

2 Pyer 2:10

I pou pini sirtou bann ki swiv zot bann dezir enpir e mepriz lotorite Bondye. Sa bann fo ansennyan, zot annan lodas ek larogans, san okenn respe, pour ensilte bann kreatir glorye ki dan lesyel.

1 Timote 6:16

I sa sel Bondye imortel. I reste dan lalimyer ki personn pa kapab aprose. Personn pa'n zanmen war li, ni kapab war li. I merit tou loner ek pwisans eternelman. Amenn.

2 Korentyen 3:18

Nou tou ki vwal i'n ganny tire lo nou figir, nou reflekte laglwar Senyer. Ensi, nou'n ganny transformen, pour viv parey Senyer. Nou sorti dan en laglwar pour al dan en laglwar bokou pli gran: Sa i travay Senyer ki li menm i Lespri.

Levanzil dapre Zan 15:24

Zot pa ti pou koupab si mon pa ti'n fer sa bann aksyon ki personn pa'n deza fer. Me aprezan, zot in war tou aksyon ki mon'n fer e zot ay nou, mwan ek mon Papa.

Psonm 17:15

Me mwan, mon pou war ou lazistis. Kan mon pou leve, mon pou pran plezir kontanple ou.

Let Zid 1:8

Sa bann zonm pe konport zot dan menm fason: Zot swiv zot bann move manni; zot fer pese e sali zot prop lekor. Zot mepriz lotorite Bondye e ensilte bann kreatir ki viv dan laglwar lesyel.

Ebre 1:3

Sa Garson i reflekte laglwar Bondye. I reprezant egzakteman resanblans Bondye. I soutenir liniver par son parol pwisan. Apre ki i ti'n fini pirifikasyon pese bann et imen, i'n al asiz lo kote drwat Bondye, pwisans siprenm lao dan lesyel.

1 Tesalonisyen 4:8

Pour sa rezon, sa enn ki rezet en tel lansennyman pa rezet en zonm, me Bondye ki donn li son Lespri Sen.

Levanzil dapre Zan 1:18

Personn pa'n deza war Bondye. Me sa enn ki'n fer konn li, se Bondye, son sel Garson, ki dan leker son Papa.

Matye 13:35

pour ki parol profet i ganny realize: Mon pou koz an parabol. Mon pou anons sa ki'n reste sekre depi kreasyon lemonn.

Ezekyel 20:49

Apre mon ti dir: Senyer BONDYE! Zot dir ki mon zis en rakonter parabol.

Ezekyel 17:2

Ou ki en imen, propoz en parabol. Rakont pep Izrael.

Ezai 46:5

Avek ki ou pou konpar mwan? Lekel ki egal avek mwan?

Ezai 40:18

Avek ki alor ou pou konpar Bondye? Lekel ki resanble li?

Psonm 49:4

Mon'n ekout byen en proverb; mon pou donn leksplikasyon pandan ki mon zwe lanmizik.

Deterononm 4:15

Sirtou, fer byen atansyon lo zot menm: Zour ki SENYER ti koz avek zot lo montanny Horeb dan milye dife, zot pa ti war son laform.

Egzod 20:4

Ou pa pou fer okenn stati, nanryen ki annan laform okenn keksoz ki lao dan lesyel, oubyen anba lo later, oubyen ki dan delo ki pli ba ki later.

Kolosyen 1:15

Kris i zimaz vizib Bondye ki envizib. I lene dan kreasyon antye.

Nonm 14:14

Zot in rakont avek zabitan sa pei; sa bann dimoun in tande ki ou SENYER, ou parmi ou pep, ki ou SENYER ou aparet fas a fas. Ou dan nyaz par lao latant. Ou diriz zot dan en kolonn nyaz lizour e dan en kolonn dife aswar.

Egzod 34:30

Ler Aaron avek tou bann Izraelit ti get Moiz, zot ti war ki lapo son figir ti briye; zot ti per pour apros li.

Egzod 33:19

SENYER ti dir, “Mon pou pas devan ou. Mon pou montre ou tou bann byenfe e proklanm mon non devan ou: SENYER. Mon pou bon anver sa enn ki mon pou bon; mon pou montre konpasyon anver sa enn anver ki mon ava montre konpasyon.

Ebre 1:1

Dan lepase, Bondye in koz avek nou bann zanset dan plizyer diferan mannyer, atraver bann profet.

Zenez 32:30

Zakob ti apel sa landrwa Penouel, savedir fas a fas avek Bondye. I ti dir, “Mon'n war SENYER fas a fas, e mon pa'n mor.”

Deterononm 5:8

Ou pa pou fabrik okenn stati, okenn laform keksoz ki dan lesyel, oubyen lo later, oubyen dan delo pli ba ki later.

Proverb 1:6

Konmsa, zot ava kapab konpran bann proverb e zot sinifikasyon; ensi ki parol bann saz ek zot bann argiman.

Oze 12:13

Par lentermedyer en profet, SENYER ti fer Izrael sorti Lezip. Par en profet, i ti gard Izrael, son pep.

Egzod 19:19

An mezir ki son tronpet ti vin pli for, Moiz ti koze e Bondye ti reponn li dan loraz.

Nonm 7:89

Ler Moiz ti antre dan Latant Rankont SENYER pour koz avek SENYER, en lavwa ki sorti par lao kouvertir Kof Lalyans ant sa de seriben, ti koz avek li.

Deterononm 18:15

SENYER, ou Bondye ava anvoy parmi zot prop pep, en profet parey mwan. Zot ava ekout li.