Nonm 11:17 - Labib An Kreol Seselwa

¹⁷ Mon pou desann e koz avek ou dan sa landrwa. Mon pou pran en pe lespri ki dan ou e met lo zot. Zot ava anmenn en pe ou responsabilite; ou pa bezwen anmenn pwa sa fardo ou tousel”.

Nonm 11:17 Referans Kwoze

1 Samyel 10:6

Lespri SENYER pou vin lo ou; i ava transform ou e ou ava profetize.

Nonm 11:25

SENYER ti desann dan nyaz e koz avek Moiz. I ti pran en pe sa lespri ki ti lo Moiz e met li lo sa 70 ansyen. Kan lespri ti vin lo zot, zot ti profetize me zot pa ti kontinyen.

1 Korentyen 2:12

Nou, nou pa'n ganny lespri dapre lemonn, me Lespri ki sorti kot Bondye. Konmsa, nou konpran tou sa ki Bondye in donn nou par son lagras.

2 Rwa 2:9

Ler zot ti'n fini traverse, Eli ti dir Elize, “Demann sa ki oule mon fer pour ou, avan ki mon ganny separe avek ou.” Elize ti dir, “Mon sipliy ou, fer mwan resevwar en doub porsyon ou lespri.”

Zoel 2:28

Apre sa, mon pou devers mon lespri lo tou dimoun: Zot zennzan ek zot zenn fiy pou profetize. Zot bann vyeyar pou ganny rev, Zot bann zennzan pou ganny vizyon.

2 Rwa 2:15

Kan bann profet ki ti reste Zeriko ki war li dan lwen, zot ti dir, “Lespri Eli i lo Elize.” Zot ti vin rankontre Elize e prostern devan li.

Romen 8:9

Kanta zot, zot pa viv anba kontrol natir imen. Zot viv anba kontrol Lespri, si vreman Lespri Bondye i reste dan zot. Sa enn ki napa Lespri Kris, pa pour Kris.

1 Tesalonisyen 4:8

Pour sa rezon, sa enn ki rezet en tel lansennyman pa rezet en zonm, me Bondye ki donn li son Lespri Sen.

Nehemi 9:20

Dan ou bonte, ou ti donn zot ou lespri pour ansenny zot. Ou pa ti refize fourni zot lamann pour manze; ou ti donn zot delo kan zot ti swaf.

Egzod 18:22

Zot ava ziz lepep toultan. Zot ava anmenn bann ka grav devan ou, me pour lezot, zot ava kapab pran desizyon zot menm. I ava fer fasil pour ou e zot ava partaz ou fardo.

Let Zid 1:19

Zot menm zot, sa bann foter dezord. Zot napa Lespri Bondye, me zot pe viv anba kontrol zot lensten.

1 Pyer 1:22

Zot, zot in ganny pirifye par zot lobeisans anver laverite, pour zot kontan kanmarad senserman koman bann frer. Donk, kontan kanmarad bokou avek en leker pir.

Nonm 12:5

SENYER ti desann dan kolonn nyaz e i ti aparet devan lantre Latant. I ti apel Aaron ek Mirianm; tou le de ti avans devan.

Egzod 19:20

SENYER ti desann lo latet montanny Sinai, e i ti apel Moiz lo latet montanny. Moiz ti monte.

Zenez 11:5

SENYER ti desann pour war sa lavil ek sa tour ki bann imen ti'n konstri.

Levanzil dapre Zan 7:39

Zezi ti pe koz lo Lespri Bondye ki bann ki krwar li, pou resevwar. Annefe, dan sa letan, Lespri pa ti ankor ganny donnen, akoz Zezi pa ti'n ankor ganny glorifye.

Levanzil dapre Zan 3:13

Personn pa'n deza mont dan lesyel, eksepte Fis-de-Lonm ki'n desann sorti dan lesyel.

Ezai 44:3

Annefe, mon pou aroz sa later ki swaf e fer koule bann sours lo later ki sek. Mon pou donn mon lespri ou desandans e mon benediksyon ou bann prozenitir.

Nonm 27:18

SENYER ti dir Moiz, “Pran Zozye, garson Noun, en zonm ki mon lespri i lo li. Enpoz ou lanmen lo son latet.

Nonm 12:8

Mon koz avek li fas a fas san servi okenn parabol e i menm war mon laform! Koman eski zot oze koz kont mon serviter Moiz san okenn lafreyer.

Egzod 34:5

SENYER ti desann parmi bann nyaz e i ti debout akote Moiz. Moiz ti pro-klanm non SENYER:

Egzod 19:11

Zot ava met zot pare pour trwazyenm zour, akoz trwazyenm zour, SENYER pou desann lo montanny Sinai devan lepep antye.

Zenez 18:33

Apre ki i ti'n fini koz avek Abrahanm, SENYER ti kontiny son semen; Abrahanm ti retourn kot li.

Zenez 17:22

Kan Bondye ti'n fini koz avek Abrahanm, i ti kit li.

Zenez 17:3

Abranm ti tonm lafas ater. Bondye ti koz avek li. I ti dir li,

Egzod 18:18

Ou avek ou pep, zot pou fatige: Sa latas i tro lour pour ou; ou pa pou kapab fer li ou tousel.

Ezai 63:11

Alor, son pep ti rapel letan pase, lepok Moiz son serviter: Oli sa enn ki ti fer zot monte, sorti dan lanmer avek bann berze son troupo? Oli sa enn ki ti met son souf sakre dan zot?

Nonm 7:89

Ler Moiz ti antre dan Latant Rankont SENYER pour koz avek SENYER, en lavwa ki sorti par lao kouvertir Kof Lalyans ant sa de seriben, ti koz avek li.