Nehemi 9:16 - Labib An Kreol Seselwa

¹⁶ Me nou bann zanset ti arogan e zot ti revolte. Zot pa ti obei ou bann komannman.

Nehemi 9:16 Referans Kwoze

Nehemi 9:29

Ou ti sipliy zot ankor, pour obeir ou lalwa. Me zot ti vin arogan e zot pa ti obei ou bann komannman. Zot ti fer pese kont ou bann regleman ki donn lavi sa enn ki met zot an pratik. Zot ti rebel e arogan; zot ti refize obei ou.

Ebre 3:15

Ensi, Lekritir i deklare: Ozordi, si zot antann son lavwa, pa andirsi zot leker, parey zot ti fer kan zot ti revolte.

Romen 2:5

Me ou pa oule konpran; ou refize sanze. Pour sa rezon, ou pe anmas lo ou, en pli gran pinisyon kan Bondye pou devers lo ou son lakoler ek son zizman ki zis. Sa zour,

Nehemi 9:10

Ou ti fer bann siny ek bann mervey kont Faraon, kont tou son bann serviter ek tou zabitan son pei, akoz ou ti konnen ki zot ti ensolan anver nou bann zanset. Ou'n fer ou renonmen ziska ozordi.

Deterononm 31:27

Mon konnen koman ou ti rebel e antete. Si zot in rebel kont SENYER letan mon ankor vivan parmi zot, zot pou fer pir ankor, apre mon lanmor!

Ebre 3:13

Okontrer, ankouraz kanmarad tou le zour, osi lontan ki i apel “ozordi” pour ki personn parmi zot, pa les li ganny tronpe par pese e andirsi son leker.

Akt de Zapot 7:51

Zot bann zonm antete; zot leker ek zot zorey pa'n ganny sirkonsi. Zot fermen avek mesaz Bondye. Zot touzour pe reziste Lespri Sen. Zot parey zot bann zanset.

Zeremi 19:15

La sa ki SENYER liniver, Bondye Izrael i deklare: Mon pe fer vin lo sa lavil e lo bann vilaz zalantour tou sa bann maler ki mon ti'n anonse kont li, akoz bann zabitan i antete e zot in refize ekout mon parol.

Zeremi 2:31

Dimoun ki dan sa zenerasyon! Ekout byen parol SENYER! Eski mon'n vin parey en dezer pour ou oubyen en pei kot tou i fernwanr? Mon pep! Akoz ou dir: Nou lib, nou pa pou zanmen retourn kot ou?

Ezai 63:10

Me zot ti revolte e fer lapenn son lespri sen; alor i ti vin zot lennmi; i ti li menm lager kont zot.

Ezai 48:18

Si selman ou ti'n ekout mon bann komannman! Alor, ou ti ava'n prospere parey en larivyer e ou bann reisit parey bann laroul dan lanmer.

Ezai 48:4

Akoz mon konnen ki zot antete, ki zot likou i red parey en bar fer e zot fron i an bronz,

Proverb 29:1

Sa enn ki ganny averti me ki rezenbe pour ganny tape en sel kou e san remed.

Psonm 106:6

Parey nou bann zanset, nou'n fer pese. Nou'n fer sa ki mal, nou koupab.

Psonm 81:8

Mon pep! Ekout mon lavertisman. Si selman Izrael ti oule ekout mwan!

2 Kronik 36:13

Sedesyas ti revolte osi kont lerwa Naboukodonozor ki ti'n fer li pret serman lo non SENYER. Olye retourn ver SENYER, Bondye Izrael, i ti montre li retif e antete.

2 Kronik 30:8

Aprezan, aret antete parey zot zanset, me soumet zot anver SENYER; vin dan son sanktyer ki i'n konsakre pour touzour. Servi SENYER zot Bondye, pour li detourn kont zot son gran lakoler.

2 Rwa 17:14

Me zot pa ti oule ekoute; zot ti antete parey zot bann zanset, ki pa ti krwar dan SENYER, zot Bondye.

Deterononm 32:15

Yesouroun ti vin gra e i ti rezenbe. Ou ti vin gra e boufi. I ti abandonn Bondye son kreater e mepriz Ros protekter son sover.

Deterononm 9:27

Mazin ou bann serviter Abrahanm, Izaak ek Zakob. Pa fer atansyon lantetman sa pep, son mesanste ek son bann pese,

Deterononm 9:13

SENYER ti osi dir mwan: Mon'n war ki sa pep i vreman en pep rebel.

Deterononm 9:6

Konpran byen alor, ki SENYER, ou Bondye pa pe al donn ou sa bon pei pour ou pran posesyon akoz ou zis. Annefe, ou en pep rebel.

Deterononm 5:29

Si selman zot ti annan sa menm leker pour annan respe pour mwan e touzour obeir tou mon bann komannman! Alor, zot ti ava ere pour touzour, zot, ek zot bann zanfan.

Egzod 32:9

SENYER ti dir Moiz, “Mon'n war ki sa pep, i en pep antete.

Egzod 15:26

I ti dir, “Si ou vreman ekout SENYER, ou Bondye, si ou fer sa ki byen devan li, si ou port atansyon son bann komannman e gard tou son bann lalwa, mon pa pou fer ou sibir sa bann maladi ki mon ti anvoy lo Lezip: Mwan SENYER, ki geri ou.”

Zeremi 7:26

Malgre sa, zot pa'n ekout mwan, ni menm port atansyon. O kontrer, zot in vin pli antete e pli revolte ki zot zanset.

Ezekyel 5:6

I'n revolte kont mon bann desizyon ek regleman plis ki lezot nasyon. Son konportman i pli move ki bann nasyon etranze ki antour li. I'n rezet mon bann desizyon e i pa'n obei mon bann regleman.

2 Kronik 29:6

Nou bann zanset ti enfidel e zot bann move aksyon pa ti fer plezir SENYER, nou Bondye, e zot in abandonn li. Zot in tourn ledo avek son sanktyer.