Nehemi 8:12 - Labib An Kreol Seselwa

¹² Tou dimoun ti al sakenn dan son kote pour manze, bwar, e partaze, pour montre zot gran lazwa, akoz zot ti'n konpran bann parol ki ti'n ganny lir avek zot.

Nehemi 8:12 Referans Kwoze

Psonm 119:174

SENYER! Mon pe esper ou delivrans; ou lalwa i rann mwan ere.

Levanzil dapre Lik 24:32

Zot ti dir avek kanmarad: Kan i ti pe koz avek nou lo semen, kan i ti pe eksplik nou Lekritir, ou ti ava krwar ki ti annan en dife ki ti pe brile anndan nou!

Psonm 119:171

Mon labous ava proklanm ou louanz, akoz ou ansenny mwan ou bann regleman.

Psonm 119:130

Revelasyon ou parol i donn lalimyer; i donn disernman sa enn ki senp.

Psonm 119:127

Mon vreman kontan ou bann komannman plis ki lor, menm plis ki lor pir.

Psonm 119:111

Ou bann lord i mon patrimwann pour touzour. Zot met lazwa dan mon leker.

Psonm 119:97

Pa mon kontan ou komannman! Mon medit lo la tou le zour.

Psonm 119:72

Lalwa ki sorti dan ou labous i pli bon pour mwan ki milyon lobze annor e annarzan.

Psonm 119:16

Mon pran plezir dan ou bann regleman; mon pa pou oubliy ou parol.

Psonm 119:14

Mon kontan swiv ou bann lalwa, konmsi mon posed tou larises.

Liv Zob 23:12

Mon'n touzour fidel anver bann komannman ki i'n donn mwan; mon'n gard dan mon leker, tou son bann parol.

Romen 7:18

Mon konnen napa nanryen ki bon dan mwan, setadir, dan mon natir. Menm si mon oule fer sa ki byen, mon pa kapab fer li.

Zeremi 15:16

SENYER, Bondye liniver! Kan ou ti koz avek mwan, mon ti ekout tou sa ki ou ti dir Kan ou ti koz avek mwan, mon ti devor ou parol. In ranpli mon leker avek lazwa e kontantman e mon'n vin ou zanfan.

Revelasyon 11:10

Bann zabitan later pou dan kontantman akoz zot lanmor. Zot pou fete e anvoy kado pour kanmarad, akoz sa de profet ti en tourman pour bann zabitan later.

Nehemi 8:10

Apre, Esdras ti dir zot, “Ale! Manz bann bon pla gra e bwar bann liker dou; anvoy en pe pour bann ki pa'n prepar nanryen, akoz sa zour i sakre pour nou SENYER. Pa bezwen pran lapenn, akoz lazwa SENYER i zot lafors!”

Nehemi 8:11

Bann levit ti kalme lepep. Zot ti dir, “Gard silans, akoz sa zour i sakre. Pa bezwen pran lapenn!”

Nehemi 8:13

Dezyenm zour, bann sef lafanmir lepep antye, bann pret ek bann levit ti rasanble kot skrib Esdras, pour etidye parol lalwa.

Ester 9:22

koman bann zour ki bann Zwif ti ganny debarase avek zot bann lennmi, koman bann zour dan sa mwan, kot zot tristes ti ganny transformen an lazwa e zot maler en boner; ki zot ti devre fer sa bann zour koman bann zour lafet ek selebrasyon, bann zour pou anvoy kado kanmarad ek bann pov.

1 Kronik 29:22

Sa zour, zot ti manze, bwar devan SENYER dan gran selebrasyon. Pour en dezyenm fwa, zot ti proklanm Salomon, garson David, koman lerwa; zot ti donn li lonksyon koman sef pour SENYER; Sadok ti ganny lonksyon koman gran pret.