Nehemi 6:7 - Labib An Kreol Seselwa

⁷ Ou'n menm swazir bann profet pour fer proklanmasyon dan Zerizalenm lo ou size, pour dir: I annan en lerwa dan Zida. Sa bann parol pou ganny raporte kot lerwa. Alor, mon konsey ou, annou zwenn ansanm pour diskite.

Nehemi 6:7 Referans Kwoze

Akt de Zapot 23:15

Alor, la sa ki zot, avek konsey, zot annan pour fer: Demann komandan pour anmenn Pol kot zot, swadizan pour rod plis lenformasyon lo son ka. Nou, nou pare pour touy li avan ki i ariv isi.”

1 Rwa 1:34

La, pret Sadok ek profet Natan ava donn li lonksyon pour li vin lerwa pep Izrael. Zot ava soufle tronpet e kriye: Viv lerwa Salomon!

1 Rwa 1:25

I'n desann ozordi e i'n ofer sakrifis en kantite bef, zannimo gra, ek bann mouton. I'n envit tou ou bann garson, bann sef larme, ek pret Abiatar. Zot pe manze, bwar avek li e zot pe kriye: Viv lerwa Adoniya!

1 Rwa 1:18

Me Mazeste! La Adoniya in vin lerwa san menm ki ou konnen.

1 Rwa 1:7

Adoniya ti al fer konplo avek Zoab, garson Serouya ek pret Abiatar. Zot ti swiv li e siport li.

Nehemi 6:6

La sa ki ti'n ekri: I annan en rimer parmi bann nasyon, e Gesenm i konfirmen ki ou, avek bann Zwif, zot annan lentansyon revolte. Pour sa rezon ki ou pe rekonstri sa miray; e dapre sa rapor, oule vin zot lerwa.

Nehemi 6:8

Mon ti anvoy dir li: Okenn sa bann rimer pa egziste; se ou ki pe envante.