Nehemi 6:6 - Labib An Kreol Seselwa

⁶ La sa ki ti'n ekri: I annan en rimer parmi bann nasyon, e Gesenm i konfirmen ki ou, avek bann Zwif, zot annan lentansyon revolte. Pour sa rezon ki ou pe rekonstri sa miray; e dapre sa rapor, oule vin zot lerwa.

Nehemi 6:6 Referans Kwoze

Nehemi 2:19

Me kan Sanbalat, en Horonit, e Tobiya, en administrater Amonit, ek Gesenm, en Arab, ti aprann sa, zot ti gognard nou e mepriz nou. Zot ti dir, “Ki zot pe fer la? Zot oule revolte kont lerwa?”

1 Pyer 3:16

Me fer li avek bonte, respe e avek en bon konsyans. Konmsa, lo sa pwen ki zot ganny akize, sa bann ki dir dimal lo zot bon mannyer viv dan Kris, ava onte.

Romen 3:8

Alor, akoz nou pa dir parey serten i akiz nou: Annou fer sa ki mal pour fer sorti dibyen! Sa bann dimoun, zot merit ganny kondannen.

Esdras 4:12

Nou pe fer konnen lerwa, ki bann Zwif ki'n sorti kot ou, in ariv parmi nou, Zerizalenm. Zot pe rekonstri sa lavil rebel e move. Zot pe repar miray e pe rekonstri bann fondasyon.

2 Korentyen 6:8

Nou ganny onore, nou ganny meprize; ensilte, respekte. Nou pas pour manter, menm si nou pe dir laverite;

Levanzil dapre Zan 19:13

Kan Pilat ti antann sa bann parol, i ti fer anmenn Zezi deor. I ti asiz lo sez ziz dan sa landrwa ki apel Laplas Pave, Gabata dan lalang Ebre.

Levanzil dapre Lik 23:2

kot zot ti konmans akiz li. Zot ti dir, “Nou'n trouve ki sa zonm pe met troub dan nou nasyon. I defann nou pey taks Sezar, e i pe dir ki se li menm Mesi, en lerwa.”

Matye 5:11

Zot byennere, kan zot ganny ensilte, persekite akoz mwan; kan dimoun i koz dimal kont zot, akoz mwan!

Zeremi 20:10

Mon antann dimoun pe dir: Laterer i par tou kote! Denons li! Annou denons li! Tou mon bann zanmi pe espere war mwan tonbe. Zot dir: Si nou esey zwe en trik lo li, alor nou ava pli for ki li e nou ava pran nou revanz lo li.

Esdras 4:15

Konmsa, lerwa ava fer verifye dan bann arsiv ou bann zanset. Ou ava war dan sa bann arsiv ki sa lavil in touzour rebel: I pa'n zanmen arete fer bokou ditor bann lerwa ek bann gouverner provens; depi lontan sa lavil i abitye revolte.

Nehemi 6:5

Sanbalat ti anvoy mwan sa menm mesaz pour en senkyenm fwa, par son zenn serviter, dan en let ouver ki i ti pe tenir dan lanmen.

Nehemi 6:7

Ou'n menm swazir bann profet pour fer proklanmasyon dan Zerizalenm lo ou size, pour dir: I annan en lerwa dan Zida. Sa bann parol pou ganny raporte kot lerwa. Alor, mon konsey ou, annou zwenn ansanm pour diskite.

Nehemi 6:13

I ti'n ganny peye osi pour fer mwan per e swiv son bann konsey pour ki mon fer pese. Konmsa, zot ti ava kapab sali mon repitasyon pour mwan ganny dezonore.