Nehemi 6:13 - Labib An Kreol Seselwa

¹³ I ti'n ganny peye osi pour fer mwan per e swiv son bann konsey pour ki mon fer pese. Konmsa, zot ti ava kapab sali mon repitasyon pour mwan ganny dezonore.

Nehemi 6:13 Referans Kwoze

Zeremi 20:10

Mon antann dimoun pe dir: Laterer i par tou kote! Denons li! Annou denons li! Tou mon bann zanmi pe espere war mwan tonbe. Zot dir: Si nou esey zwe en trik lo li, alor nou ava pli for ki li e nou ava pran nou revanz lo li.

Let Zak 4:17

Donk, sa enn ki konn fer sa ki byen me i pa fer li, i koupab; i komet en pese.

2 Timote 1:7

Annefe, Bondye pa'n donn ou en lespri lafreyer; o kontrer, en lespri ki ranpli nou avek lafors, lanmour ek disiplin.

Zeremi 18:18

Alor serten parmi lepep ti dir: Annou prepar en konplo kont Zeremi! Nou pou touzour annan pret pour ansenny nou lalwa, bann saz pour donn nou konsey, profet pour proklanm mesaz Bondye. Annou par dir dimal lo li; annou aret ekout sa ki i dir.

Proverb 29:5

Sa enn ki flat son vwazen pe plas en latrap anba son lipye.

Nehemi 6:6

La sa ki ti'n ekri: I annan en rimer parmi bann nasyon, e Gesenm i konfirmen ki ou, avek bann Zwif, zot annan lentansyon revolte. Pour sa rezon ki ou pe rekonstri sa miray; e dapre sa rapor, oule vin zot lerwa.

Revelasyon 21:8

Me pour bann las, bann enfidel, bann dimoun degoutan, bann kriminel, bann prostitye, bann sorsye, bann adorater zidol, ek tou bann manter, zot plas pou dan lak dife ek souf. Sa i dezyenm lanmor.

Let Pol pour bann Tit 2:8

Swazir ou bann parol, pour ki personn pa kapab kritike. Konmsa, ladverser ava kanmi akoz i pou napa okenn keksoz mal pour dir lo nou.

1 Timote 5:14

Pour sa rezon, mon oule ki bann zenn vev zot remarye; ki zot ganny zanfan e pran swen zot lakaz. Konmsa, zot pa ava donn okenn lokazyon nou bann ladverser dir dimal lo nou.

2 Korentyen 11:12

Mon pou kontinyen fer parey mon pe fer, pour ki personn pa pran sa koman preteks pour vant zot lekor, dizan ki zot travay dan menm kondisyon ki nou.

Akt de Zapot 6:13

La, zot ti anmenn serten dimoun ki ti fer bann fo lakizasyon kont li. Zot ti dir: Sa zonm i toultan pe koz kont nou Tanp sen ek Lalwa.

Matye 26:59

Bann gran-pret ek Konsey antye ti esey rod fo levidans kont Zezi, pour zot kondann li anmor.

Matye 22:15

Alor, bann Farizyen ti al fer konplo pour met Zezi dan pyez par en kestyon.

Matye 10:28

Pa per bann ki touy lekor, me ki pa kapab touy ou et antye. Plito per sa enn ki kapab detri ou lekor ek ou et antye dan lanfer.

Ezekyel 2:6

Alor, ou ki en imen, pa per zot, ni parol ki zot dir; ou antoure avek zarbis rons ek pikan, oubyen asiz lo bann skorpyon. Me pa per sa ki zot dir, ni les lekspresyon zot figir efrey ou, akoz zot en ras rebel.

Zeremi 1:17

Zeremi! Met ou pare pour al dir zot tou sa ki mon ordonn ou. Pa bezwen per zot, akoz mwan ki pou fer ou tranble devan zot.

Ezai 57:11

Lekel ki fer zot enkyet e fer zot per pour zot koz manti e oubliy mwan, pour ki zot pa reflesir? Eski akoz mon ti gard silans e ferm mon lizye depi lontan, ki ou pa ti per mwan?

Ezai 51:7

Ekout mwan! Ou ki konn lazistis! Ou sa pep ki gard mon lansennyman dan ou leker! Pa bezwen per repros ki sorti kot zonm. Pa bezwen tranble ler zot ensilte ou,

Eklezyas 7:1

En bon repitasyon i pli bon ki parfen renonmen e zour lanmor i preferab ki zour nesans.

Proverb 22:1

En bon repitasyon i preferab ki bokou larises; lestim ki dimoun i annan pour ou, i meyer ki lor ek larzan.

Nehemi 6:12

Alor, mon ti konpran ki pa Bondye ki ti'n anvoy li; me i ti'n pronons sa parol profetik kont mwan, akoz Tobiya ek Sanbalat ti'n pey li.