Nehemi 5:6 - Labib An Kreol Seselwa

⁶ Ler mon ti antann sa bann parol ek sa bann konplent, mon ti pran en gran lakoler.

Nehemi 5:6 Referans Kwoze

Nehemi 13:25

Mon ti repros zot e mon ti modi zot; mon ti bat en bann e aras zot seve; mon ti fer zot pret serman o non Bondye: Zot pa pou donn zot bann fiy avek zot bann garson, ni pran zot bann fiy pour zot garson, ni pour zot.

Efezyen 4:26

Si zot pran lakoler, fer atansyon pour zot pa tonm dan pese, e fer atansyon pa les zot lakoler dire ziska aswar.

Nonm 16:15

Moiz ti tre ankoler. I ti dir SENYER, “Pa aksepte zot lofrann. Mon pa'n fer zot okenn ditor; mon pa'n ni menm pran en bourik pour zot.”

Egzod 11:8

Tou dimoun dan ou lantouraz pou vin prosternen devan mwan. Zot pou dir: Ale! Al avek tou ou pep ki pe swiv ou. Apre sa, mon pou ale”. Moiz ti sorti kot Faraon dan en gran lakoler.

Mark 3:5

Alor, Zezi ti get zot avek lakoler. I ti vreman sagren pour war zot leker dir. I ti dir avek sa zonm, “Dres ou lanmen.” Sa zonm ti dres son lanmen e deswit, son lanmen ti geri.

Nehemi 13:8

Mon ti pran en gran lakoler, e fer zet deor tou sa ki ti pour Tobiya.

Nehemi 5:7

Apre refleksyon, mon ti deside pour port plent kont bann sef ek bann zofisye. Mon ti dir zot, “Zot pe pret avek lentere avek zot bann frer!” Mon ti konvok zot tou dan en gran lasanble.

Psonm 119:53

Mon lakoler i monte ler mon mazin bann malfeter ki pa obei ou lalwa.