Nehemi 4:14 - Labib An Kreol Seselwa

¹⁴ Apre ki mon ti'n egzamin bann pozisyon, mon ti dir avek bann sef, bann mazistra e lepep antye, “Pa bezwen per zot. Mazin SENYER ki gran e terib. Zot pe konbat pour zot bann frer, zot bann garson, zot bann fiy, zot bann fanm e pour zot prop lakaz.”

Nehemi 4:14 Referans Kwoze

2 Samyel 10:12

Montre kouraz, e annou konbat koman bann brav solda pou nou pep, e pour bann lavil nou Bondye; SENYER ava fer sa ki li menm i war bon.”

Nonm 14:9

Selman, pa revolte kont SENYER e pa per bann zabitan sa pei. Nou pou bat zot en sel kou. SENYER i avek nou, zot nepli annan proteksyon. Alor, pa bezwen per zot.

Ebre 13:6

Pour sa rezon, nou kapab dir avek konfyans: Senyer i mon sekour, mon pa per personn. Ki dimoun i kapab fer mwan?

Matye 10:28

Pa per bann ki touy lekor, me ki pa kapab touy ou et antye. Plito per sa enn ki kapab detri ou lekor ek ou et antye dan lanfer.

Psonm 66:3

Dir Bondye: Tou sa ki ou fer i vreman formidab. Akoz ou pwisans, ou bann lennmi i kourbe devan ou.

Psonm 65:5

Mon Bondye, nou Sover! Ou bann gran mervey i delivrans pour nou. Ou menm lespwar bann zabitan later e atraver lanmer, ziska bann zil lwenten.

Psonm 20:7

Serten i kont lo zot kales lager; lezot lo zot seval. Me nou, nou met nou konfyans dan SENYER nou Bondye.

Nehemi 1:5

Mon ti dir, “SENYER, Bondye ki dan lesyel, Bondye gran e terib! Ou gard ou lalyans e ou fidel anver tou bann ki kontan ou e ki gard ou bann komannman.

2 Kronik 32:7

Pran kouraz e reste byen for! Pa per lerwa Asiriyen avek son gran larme; sa enn ki avek nou, i pli for ki zot.

Zozye 1:9

Pa mon'n ordonn ou: Reste for, pran kouraz. Pa per, pa tranble, akoz SENYER, ou Bondye, i avek ou partou kot ou pou ale.

Deterononm 10:17

SENYER, zot Bondye i Bondye tou lezot bondye e SENYER tou senyer. I sa pli gran Bondye pwisan e terib ki pa fer preferans e i pa aksepte gous.

Deterononm 1:21

Gete! SENYER, ou Bondye in donn ou sa pei. Monte, al pran posesyon parey SENYER, Bondye ou bann zanset in promet zot; pa bezwen per, pran kouraz.

Psonm 143:5

Mon mazin letan pase; mon medit lo ou bann mervey; mon reflesir lo louvraz ou lanmen.

Psonm 66:5

Vin get tou sa ki Bondye in fer! Bann aksyon terib ki i'n akonpli i formidab pour bann zabitan later.

Psonm 46:11

SENYER liniver i avek nou; Bondye Zakob i nou labri.

Psonm 27:1

SENYER i mon lalimyer e mon sover. Lekel ki mon pou per? SENYER i mon protekter kont tou danze. Mon pa pou zanmen per.

Liv Zob 37:22

En lalimyer dore i sorti dan Nor; Bondye in ganny anvlope dan en lalimyer eblouisan.

Eklezyas 12:1

Pandan ki ou ankor zenn, pa oubliy ou Kreater, rapel li byen avan ki bann zour maler i tonm lo ou e ou dir: Mon nepli annan plezir dan nanryen.

Egzod 14:14

SENYER pou lager pour zot. Zot, zis reste trankil.”

Egzod 14:25

I ti blok larou zot kales lager; zot ti ganny difikilte pour avanse. Alor, bann Ezipsyen ti dir, “Annou sove pour sap bann Izraelit, akoz SENYER pe konbat kont Lezip pour zot.”

Ziz 3:27

Koman i ti arive, i ti sonn tronpet dan rezyon montanny Efraim; bann Izraelit ti desann sorti dan rezyon montanny, avek li devan.

Danyel 11:32

Par bann parol mansonz, i pou fer abandonn lalyans, me bann ki lwayal anver Bondye pou kontinyen azir avek kouraz.

Zakari 14:3

Alor, SENYER pou sorti e konbat sa bann nasyon, parey i fer sak fwa i al lager.