Nehemi 2:17 - Labib An Kreol Seselwa

¹⁷ Alor mon ti dir zot, “Zot war maler ki nou ladan: Zerizalenm in vin en ta debri e tou son bann laport in ganny detri par dife. Leve, annou rekonstri miray Zerizalenm pour ki nou ava nepli dan laont.”

Nehemi 2:17 Referans Kwoze

Ezekyel 5:14

Ou Zerizalenm, mon pou fer ou vin en ta debri e en laont parmi bann nasyon dan zalantour e devan tou sa ki pas par la.

Nehemi 1:3

Zot ti dir mwan, “Bann sirvivan laba dan provens, ki'n sov deportasyon, i viv dan gran mizer ek laont; miray Zerizalenm in fann an morso, e bann laport in ganny detri par dife.”

Psonm 79:4

Nou ganny ensilte par bann nasyon vwazen; zot gognard nou, zot riy nou.

Lamantasyon 3:51

Mon lizye i fer mal akoz sa ki'n arive avek bann zenn fiy mon lavil.

Lamantasyon 2:2

San okenn pitye, SENYER in detri tou bann vilaz dan Izrael. Dan son lakoler, in kraz bann lavil byen proteze dan Zida. In anmenn dezoner lo rwayonm e lo son bann sef.

Zeremi 24:9

Mon pou fer en tel maler tonm lo zot, ki tou nasyon lo later pou tranble avek lafreyer. Dimoun pou mepriz zot, rakont zistwar lo zot, ridikiliz zot, asosye zot non avek en malediksyon.

Psonm 79:12

Bann pep vwazen in ensilte ou, SENYER. Fer zot pey set fwa bann lensilt ki zot in fer ou.

Psonm 44:13

Ou'n les bann vwazen ridikiliz nou. Dimoun otour nou in mepriz nou; zot in gognard nou.

1 Samyel 11:2

Me Nahas, lerwa bann Amonit, ti reponn zot, “Mon ava aksepte lo sa kondisyon: Mon pou krev lizye drwat zot tou e zet en dezoner lo pep Izrael antye.”

Nehemi 2:13

Mon ti sorti pandan lannwit par Laport Vale, pas sours Dragon ek Laport Fimyen. Mon ti enspekte bann miray Zerizalenm ki ti'n ganny met ater ek son bann laport ki dife ti'n detri.

Nehemi 2:16

Bann sef pa ti konnen kote mon ti'n ale, ni ki mon ti pe fer. Ziska prezan, mon pa ti'n dir bann Zwif, ni bann pret, ni bann dimoun enportan, ni bann zofisye, e ni okenn lezot dimoun ki ti pou al fer sa travay.

Nehemi 3:15

Saloum, garson Kol-Hoze, sef distrik Mispa, ti travay lo Laport Sours. I ti konstri e kouver li e poz bann batan, bann verou, ek bann bar. I ti osi fer miray basen Sela ki pre avek zarden lerwa, ziska bann mars ki desann depi lavil David.

Esdras 9:9

Annefe, nou bann lesklav; me nou Bondye pa'n abandonn nou dan lesklavaz. I'n montre son lanmour devan bann lerwa Lapers pour fer nou reviv, pour ki nou relev tanp Bondye e fer li sorti dan son leta anrin e donn nou son miray proteksyon Zerizalenm e dan Zide.

Psonm 44:14

Zot rakont fab lo nou. Zot riy nou e zot sekwe latet.

Psonm 102:15

Bann nasyon pou annan respe pour non SENYER; tou bann lerwa lo later pou respekte son laglwar.

Mise 7:11

Sa zour, ou bann miray pou ganny rekonstri. Sa menm zour, ou bann teritwar pou agrandi.