Nehemi 13:13 - Labib An Kreol Seselwa

¹³ Mon ti donn responsabilite bann magazen, avek pret Selemia, skrib Sadok ek levit Pedaya. Hanann, garson Zakour, garson Natanya ti zot asistan, akoz zot ti annan bon repitasyon koman bann zonm onnet. Zot ti ganny responsabilite pour distribye lofrann avek zot bann frer.

Nehemi 13:13 Referans Kwoze

Nehemi 7:2

Mon ti donn mon bann lord avek mon frer Hanani, e avek Hananya, sef sitadel Zerizalenm, ki ti en zonm fidel ki ti annan gran respe pour Bondye, plis ki bokou lezot.

2 Rwa 22:7

Me zot pa pou ganny demande pour rann kont larzan ki'n ganny met dan zot lanmen akoz zot bann travayer onnet.”

1 Korentyen 4:2

Tou administrater, i devre ganny trouve fidel.

Akt de Zapot 6:3

Alor, mon bann frer! Swazir set zonm parmi zot, ki annan bon repitasyon, ranpli avek Lespri Sen e bokou lasazes. Nou, nou ava donn zot sa responsabilite.

Akt de Zapot 6:1

Pandan sa bann letan, koman lakantite disip ti'n ogmante, ti annan konplent ant bann Zwif ki koz Grek ek bann Zwif ki koz Ebre. Bann Zwif ki koz Grek ti plennyen an dizan ki zot bann vev ti pe ganny neglize dan distribisyon manze.

Nehemi 12:44

Sa lepok, zot ti nonm bann zonm pour sirvey bann lasal kot ti konserv bann lofrann bann premye fri, bann premye rekolt avek bann ladim. Zot ti ganny lord pour kolekte, dan teritwar antye, dan bann lavil, bann par ki dapre lalwa, ti al pour bann pret ek bann levit, akoz Zida ti kontan ki bann pret ek bann levit ti pe byen fer sa travay.

2 Rwa 12:15

Zot pa ti demann okenn kont avek sa bann zonm ki ti responsab pey bann travayer, akoz zot ti bann zonm onnet.

1 Timote 3:10

Fodre premyerman teste zot, e si napa okenn repros kont zot, zot ava kapab travay koman dyak.

1 Timote 1:12

Mon remersye Zezi-Kri, nou Senyer ki'n donn mwan lafors pour sa travay. Mon remersye li ki'n met son konfyans dan mwan, e ki'n swazir mwan pour son servis,

Akt de Zapot 4:35

Zot ti donn sa larzan avek bann zapot ki ti distribye avek sakenn zot, dapre son bezwen.

Levanzil dapre Lik 12:42

Zezi ti reponn li, “Lekel sa serviter fidel e onnet ki son met ava etabli li ansarz son lakour pour li donn lezot serviter zot rasyon dible kan fodre?

Nehemi 12:35

bann garson bann pret avek bann tronpet, Zakari, garson Zonatan, garson Semaya, garson Matanya, garson Mise, garson Zakour, garson Asaf,

Nehemi 11:22

Lenspekter bann levit ki ti Zerizalenm, ti apel Ouzi, garson Bani, garson Hasabya, garson Matanya, garson Mise, parmi bann garson Asaf, bann santer ki ti ansarz servis dan tanp.

Nehemi 10:12

Zakour, Serebya, Sebanya,

Nehemi 8:4

Skrib Esdras ti debout lo en lestrad an bwa ki ti'n ganny fer pour sa lokazyon. Lo son kote drwat, ti annan Matitia, Sema, Anaya, Ouri, Hilkiya ek Maaseya; lo son kote gos, ti annan Pedaya, Misael, Malkiya, Hasoum, Hasbadana, Zakari ek Mesoulanm.

Nehemi 3:30

Apre li, Hananya, garson Selemia, ek Hanoun, sizyenm garson Salaf, ti repar en lot seksyon miray. Apre zot, Mesoulanm, garson Berekya, ti travay vizavi kot i reste.

Nehemi 10:38

Pret, garson Aaron, ava akonpanny bann levit ler zot resevwar ladim. Bann levit ava pran en dizyenm parti ladim e anmenn dan tanp Bondye, dan bann lasal trezor.

2 Rwa 12:16

Larzan pour bann sakrifis ki dimoun ti donnen pour serten fot, pa ti ganny mete dan sa kof, me ti al pour bann pret.