Nahoum 1:14 - Labib An Kreol Seselwa

¹⁴ La sa ki SENYER in ordonnen kont zabitan Niniv: Ou pou nepli annan okenn desandans ki pou port ou non. Mon pou detri sa bann stati an bwa e an fer ki dan ou tanp. Mon pou prepar ou latonm, akoz ou nepli vo nanryen.

Nahoum 1:14 Referans Kwoze

Psonm 109:13

Son bann desandan pou disparet e son non pou ganny efase apartir dezyenm zenerasyon!

Mise 5:13

Mon pou detri tou stati ek poto sakre kot ou; ou pou arete prostern devan sa ki'n ganny fabrike par ou lanmen.

Proverb 10:7

Souvenir sa enn ki zis i anmenn benediksyon. Me non en malfeter pou tonm an pouritir.

2 Rwa 19:37

En zour, letan i ti pe priye dan tanp son bondye Nisrok, son de garson Adramelek ek Sareser, ti touy li avek lepe e sov dan pei Ararat. Son garson, Asaradon, ti renny dan son plas.

Danyel 11:21

I pou ganny ranplase par en move zonm, san okenn pouvwar rwayal; i pou ariv trankilman, e i pou akapar rwayonm par bann mwayen malonnet.

Zeremi 50:2

Anons sa nouvel parmi bann nasyon: Met en lafis pour fer konnen sa nouvel. Proklanmen! Pa kasyet nanryen: Lennmi in pran Babilonn. Bel in ganny kouver ek laont. Merodak i dan lafreyer. Son bann stati in ganny kouver avek laont; son bann fo bondye i dan lafreyer.

Ezai 33:13

Zot ki lwen! Ekout sa ki mon'n fer. Zot ki pre! Rekonnet mon pwisans.

Ezai 19:1

En mesaz konsernan Lezip: Gete! SENYER in mont lo en nyaz rapid. I pe vin Lezip. Bann zidol dan Lezip pou tranble devan li; bann Ezipsyen pou paralize e zot pou perdi kouraz.

Psonm 71:3

Ou menm sa Ros protekter, landrwa kot mon kapab vini nenport ki moman. Ou'n deside sov mwan, akoz ou mon Ros protekter e mon fortres.

2 Kronik 32:21

SENYER ti anvoy en lanz ki ti detri tou bann vayan gerye ek bann komandan dan kan lerwa Asiriyen. Alor, lerwa Asiriyen, kouver avek laont, ti retourn dan son pei. Plitar, ler i ti antre dan tanp son bondye, serten son bann prop garson ti touy li avek lepe.

1 Samyel 3:13

Mon'n deza averti li ki mon pou pini son fanmir pour touzour, pour bann krim ki i konnen. Son bann garson in ensilte Bondye; li i ti konnen, me i'n soutir zot.

Levitik 26:30

Mon pou detri zot bann landrwa sakre e fer disparet zot bann lotel lansan. Mon pou met zot kadav an ta lo kadav zot bann zidol. Mon pou annan degou pour zot.

Egzod 12:12

Sa swar, mon pou travers Lezip e mon pou touy tou premye ne dan Lezip, dimoun koman zannimo. Mon pou egzekit zizman lo bann bondye Ezipsyen: Mwan menm SENYER.

Liv Zob 18:17

Tou dimoun dan pei in oubliy li; son non in ganny oubliye dan semen.

Mise 5:14

Mon pou detri ou bann poto sakre kot ou e kraz ou bann lavil.

Habakouk 2:10

Kan ou ti deside detri en kantite bann pep, Ou desizyon in fer laont ou fanmir. Ou pe detri ou prop lavi.

Danyel 5:27

TEKEL, savedir peze: Ou'n ganny peze lo en balans e ou'n ganny trouve tro leze.