Nahoum 1:11 - Labib An Kreol Seselwa

¹¹ Sa enn ki pe fer konplo kont SENYER, in sorti kot ou. Son bann proze i destrikter.

Nahoum 1:11 Referans Kwoze

Nahoum 1:9

Ki konplo ou prepare kont SENYER? I pou detri tou konpletman. Lennmi pa pou lev ankor.

2 Kronik 13:7

Me sa bann zans bonnaryen, bann bandi ki ti avek li, ti pli for ki Roboanm, garson Salomon. Roboanm ki ti ankor zenn e san leksperyans, pa ti kapab reziste zot.

2 Rwa 18:30

Pa les Ezekyas fer zot met zot konfyans dan SENYER kan i dir: SENYER pou delivre zot. Sa lavil pa pou ganny livre dan lanmen lerwa Asiri.

2 Samyel 20:1

La Gilgal, ti annan en zonm san moral ki ti apel Seba, garson Bikri, sorti dan tribi Benzamen. I ti soufle tronpet e kriye, “Nou napa nanryen avek David, e nou napa okenn par avek garson Zese! Pep Izrael! Sakenn retourn se li!”

1 Samyel 2:12

Bann garson Eli ti bann zonm san okenn moral; zot ti napa respe pour SENYER.

Ezekyel 11:2

Lespri ti dir mwan, “Ou ki en imen, la bann zonm ki manigans bann plan pour fer dimal e ki donn move konsey dan sa lavil.

Mise 2:1

Maler pour sa bann ki mazin zis fer dimal e ki manigans mesanste lo zot lili! De ki lizour i fer, zot egzekit zot plan, akoz zot annan pouvwar fer li.