Mise 6:3 - Labib An Kreol Seselwa

³ Mon pep! Ki mon'n fer ou? Ki mon'n fer pour fatig ou? Reponn mwan!

Mise 6:3 Referans Kwoze

Zeremi 2:5

La sa ki SENYER i deklare: Ki zot zanset i annan kont mwan ki'n fer zot kas relasyon avek mwan, pour zot al ador bann zidol initil e rann zot menm initil?

Psonm 81:13

Mon ti ava kontan si mon pep ti ekout mwan, si Izrael ti swiv mon semen!

Zeremi 2:31

Dimoun ki dan sa zenerasyon! Ekout byen parol SENYER! Eski mon'n vin parey en dezer pour ou oubyen en pei kot tou i fernwanr? Mon pep! Akoz ou dir: Nou lib, nou pa pou zanmen retourn kot ou?

Psonm 50:7

Mon pep! Ekout mwan. Mon annan sa pour dir ou: Izrael! Mon pou temwanny kont ou. Mwan Bondye, ki ou Bondye!

Romen 3:19

Nou konnen ki tou sa ki Lalwa i dir, i dir pour sa bann ki viv anba lalwa. Konmsa, personn pa kapab ouver labous pour eskiz li, e lemonn antye ava ganny rekonnet koupab devan Bondye.

Mise 6:5

Mon pep! Rapel byen konplo Balak, lerwa Moab; sa ki Balaanm, garson Beor, ti reponn li; e sa ki ti arive kan ou ti traverse depi Sitim ziska Gilgal. Alor, ou ava rekonnet laviktwar ki SENYER in fer.

Psonm 81:8

Mon pep! Ekout mon lavertisman. Si selman Izrael ti oule ekout mwan!

Psonm 51:4

Kont ou, kont zis ou ki mon'n fer sa ki mal; devan ou ki mon'n fer sa. Alor, ou annan rezon kan ou pronons ou santans e zizman ki ou rann i zis.

Ezai 5:4

Tou sa ki mon ti kapab fer pour mon plantasyon rezen, pa mon'n fer? Mon ti pe espere rekolte bon rezen. Me akoz in donn mwan rezen eg?