Mise 4:2 - Labib An Kreol Seselwa

² Plizyer nasyon pou vin la. Zot pou dir: Vini! Annou mont ver montanny SENYER, ver tanp Bondye Zakob. I ava fer nou konn son semen.

Mise 4:2 Referans Kwoze

Ezai 2:3

Bokou pep pou vin dir: Vini! Annou mont lo montanny SENYER. Annou al kot tanp Bondye Zakob. La, i ava fer nou konn son semen; nou ava swiv li. Annefe, lansennyman Bondye i sorti dan Siyon, e parol SENYER i sorti dan Zerizalenm.

Zeremi 31:6

Sa zour pe vini, kan bann gardyen ava kriye depi bann kolin dan rezyon montanny Efraim: Annou leve! Annou al Zerizalenm kot SENYER nou Bondye.

Akt de Zapot 1:8

Me kan Lespri Sen pou desann lo zot, zot pou resevwar en lafors. Zot ava mon bann temwen dan Zerizalenm, dan rezyon Zide antye e dan Samari, ziska dan bout later.”

Ezai 54:13

SENYER ki pou edik tou ou bann zanfan, e zot pou viv dan lape.

Psonm 25:12

SENYER pour montre sa enn ki annan respe pour li, ki semen pou pran.

Levanzil dapre Zan 7:17

Tou dimoun ki dakor pour fer lavolonte Bondye, ava konnen si mon lansennyman i sorti kot Bondye, oubyen si mon koz par mon prop lotorite.

Romen 15:19

par pwisans bann siny ek bann mirak, par pwisans Lespri Bondye. Mon'n alor anons plennman Bonn Nouvel konsernan Kris, partou, depi Zerizalenm, ziska rezyon Iliri.

Levanzil dapre Lik 24:47

Repantans ek pardon pese pou ganny anonse dan son non avek tou nasyon, an konmansan par Zerizalenm.

Mark 16:20

Bann disip ti al anons Bonn Nouvel partou. Senyer ti ed zot dan sa travay. I ti konfirm son mesaz par bann siny ki ti akonpanny li.

Zakari 14:16

Alor, dimoun ki ti'n vin fer lager kont Zerizalenm e ki pa'n ganny touye, pou monte toulezan. Zot pou vin ador lerwa, SENYER liniver e selebre lafet bann Payot.

Akt de Zapot 13:42

Letan Pol ek Barnabas ti pe kit sinagog, bann dimoun ti demann zot pour retournen en lot saba, pour koz plis lo sa bann size.

Levanzil dapre Zan 6:45

Bann profet in ekri: Zot tou zot pou ganny ansennyen par Bondye li menm. Tou dimoun ki ekout mon Papa e ki resevwar son lansennyman i vin kot mwan.

Deterononm 6:1

La bann komannman, regleman ek lalwa ki SENYER, zot Bondye i ordonn mwan pour ansenny zot, e ki zot ava obzerv dan sa pei ki zot pe al traverse pour pran posesyon.

Zakari 2:11

Sa zour, bokou nasyon pou rasanble otour SENYER. Zot ava vin mon pep; e mon pou reste parmi zot. Alor, zot ava konnen ki SENYER liniver ki'n anvoy mwan kot zot.

Oze 6:3

Annou konn li, annou vreman rode pour konn SENYER. I pou aparet, sa i sir parey lizour i fer. I pou vini zis parey lapli i tonbe, parey lapli i aroz later dan sezon lapli.

Psonm 110:2

Depi Siyon, SENYER pou agrandi ou dominasyon. I pou fer ou domin lo ou bann lennmi.

Psonm 119:1

Byennere sa bann ki annan en konportman san defo e ki mars dapre lalwa SENYER.

Psonm 119:171

Mon labous ava proklanm ou louanz, akoz ou ansenny mwan ou bann regleman.

Psonm 122:1

Mon ti dan lazwa kan zot ti dir mwan: Annou al dan tanp SENYER.

Ezai 56:7

mon pou anmenn zot lo mon montanny sakre, donn zot lazwa dan mon tanp. Mon pou aksepte zot bann sakrifis konplet e zot bann don lo mon lotel, akoz mon tanp pou ganny apele en landrwa lapriyer pour tou dimoun.

Zeremi 42:3

Demann SENYER ou Bondye kote nou devre ale e sa ki nou devre fer.”

Zakari 9:10

I pou detri kales lager dan Efraim e seval lager dan Zerizalenm. Bann fles lager pou ganny detri e i pou proklanm lape pour bann nasyon. Son pouvwar pou al depi en kote lanmer ziska lot, depi larivyer Efrat ziska dan bout later.