Mise 4:10 - Labib An Kreol Seselwa

¹⁰ Zabitan Zerizalenm! Pliy an de e plennyen, parey en fanm dan lakousman. La aprezan, ou ava kit lavil pour al kanpe dan laplenn, ou pou al Babilonn. Apre, ou ava ganny delivre. Laba, SENYER ava sov ou dan lanmen ou bann lennmi.

Mise 4:10 Referans Kwoze

Ezai 48:20

Sorti dan Babilonn! Sove! Kit bann Kaldeen. Kriye dan lazwa! Proklanmen! Fer tande ziska dan lot bout later. Dir: SENYER in sov son serviter Zakob.

Oze 13:13

Douler pour son nesans i arive, me i sitan bet ki i refize sorti dan vant son manman.

Oze 2:14

Pour sa rezon, mon pou sedwir li; mon pou anmenn li dan dezer e reganny son konfyans.

Ezai 45:13

SENYER liniver i deklare: Mwan ki'n lev Siris pour mon lazistis, mon pou tir tou lobstak lo son semen. I pou rekonstri mon lavil e rann laliberte mon pep ki annegzil, san pey okenn pri, san okenn rekonpans.

Ezai 43:14

La sa ki SENYER ou Sover, Bondye Sen Izrael, i deklare: Akoz ou, ki mon pou anvoy en dimoun kont Babilonn. I pou defons tou bann laport lavil e bann selebrasyon bann Kaldeen pou tourn an lamantasyon.

2 Rwa 20:18

Serten parmi ou bann prop garson, ki ou'n fer, pou ganny anmennen; zot pou servi koman enik dan pale lerwa Babilonn.”

Revelasyon 12:14

Me sa fanm ti ganny sa de lezel en gran leg. I ti anvole ziska dan sa landrwa rezerve pour li dan dezer. La, i ti ganny nouri pandan 3 an edmi, lwen avek latak sa serpan.

Oze 1:10

Pep Izrael pou vin koman disab lo bor lanmer, personn pa pou kapab konte. La kot zot ti dir: Ou pa mon pep! Zot pou ganny dir: Zot zanfan Bondye vivan.

Zeremi 15:21

Mon pou aras ou dan zot lanmen. Mon pou sov ou kont dimoun vyolan, SENYER i deklare.

Psonm 106:10

I ti sov zot dan lanmen bann ki ti oule detri zot. I ti delivre zot dan lanmen zot bann ladverser.

2 Kronik 36:20

Lerwa ti deport Babilonn tou bann ki pa ti'n ganny touye. Zot ti vin son lesklav e lesklav son bann garson, ziska ki rwayonm Lapers ti ganny etabli,

2 Kronik 33:11

Alor, SENYER ti anvoy bann komandan ek larme lerwa Asiriyen kont zot. Zot ti pran Manase prizonnyen, kros li avek lanmson, anmar li avek lasenn an bronz e anmenn li Babilonn.

2 Rwa 25:4

Alor, en trou ti ganny ouver dan miray lavil. Lerwa avek tou son bann gerye ti sove dan lannwit par laport ki ti ant sa de miray kot zarden lerwa, menm si bann Babilonyen ti ankor otour lavil. Zot ti sov dan direksyon Araba.

Zeremi 29:20

Zot tou ki SENYER ti anvoy annegzil Babilonn depi Zerizalenm! Ekout sa ki SENYER i deklare.

Zeremi 48:41

Bann lavil pou ganny kaptire; bann plas byen proteze pou ganny kaptire. Sa zour, bann gerye Moab pou per parey en fanm ki dan douler lanfantman.

Zeremi 52:27

ki dan teritwar Hamat. La, lerwa ti met zot tou anmor. Konmsa ki pep Zida ti ganny deporte lwen avek son pei.

Mise 5:3

Pour sa rezon, Bondye pou abandonn zot, ziska letan ki akouse dan douler. Alor, leres son bann frer ava retournen pour zwenn avek pep Izrael.

2 Kronik 36:23

La sa ki Siris, lerwa Lapers, i dir: SENYER, Bondye lesyel, in donn mwan tou bann rwayonm lo later. I'n ordonn mwan konstri en tanp pour li dan Zerizalenm, dan pei Zida. Bann parmi zot ki form parti son pep, ale; e ki SENYER, Bondye i avek zot.

Zeremi 4:31

Annefe, mon'n antann kriye konmsi en manman ti pe ganny son premye baba. Sa ti Zerizalenm ki ti pe kriye pour esey pran respirasyon. Lanmen anler, i pe kriye: Maler i lo mwan! Zot pe vin touy mwan!

Zeremi 13:4

“Pran sa sang ki ou'n aste e ki ou'n met otour ou leren, e al ziska larivyer Perat. La, ou ava kasyet li dan en trou ros.”

Mise 5:2

Ou, Betlehenm Efrata! Ou pli pti parmi bann klan dan Zida. Kot ou, pou sorti pour mwan, sa enn ki pou gouvern Izrael. Son lorizin i remont dan lwen, lontan.