Mise 2:2 - Labib An Kreol Seselwa

² Kan zot anvi bann plantasyon, zot pran. Si zot anvi bann lakaz, zot sezi. Zot fer mizer en dimoun ek son fanmir e zot akapar son posesyon.

Mise 2:2 Referans Kwoze

Ezai 5:8

Maler bann ki azout lakaz! Ki pran en morso later apre lot, ziska ki pei antye i zis pour zot.

Amos 8:4

Ekoute, zot ki kraz bann malere, e ki oule detri bann pov dan sa pei.

Zeremi 22:17

Me ou, ou pe rod zis ou profi personnel. Ou fer touy sa enn ki inosan, ou kraz dimoun avek britalite.

Ezekyel 18:12

i eksplwat bann pov ek bann malere; i vol dimoun; i pa rann sa ki en dimoun in met angaz pour son det; i ador bann zidol e fer toudsort pratik degoutan;

1 Timote 6:10

Annefe, lanmour larzan i rasin tou kalite maler. Serten dimoun in telman anvi larzan ki zot in egare lwen avek lafwa e zot in met zot lekor dan en kantite tourman.

Matye 23:13

“Maler lo zot, bann profeser Lalwa ek bann Farizyen! Bann ipokrit! Zot ferm laport Rwayonm Lesyel. Zot menm zot pa antre, e zot pa les antre dimoun ki a kontan antre.

Malasi 3:5

Alor, mon pou apros zot pour zizman. Mon pou deswit pas zizman kont bann sorsye, bann ki komet adilter, bann ki fer fo serman, bann ki eksplwat zot travayer e ki abiz lo bann vev ek bann orfelen, e ki maltret bann etranze. Tou sa bann dimoun napa respe pour mwan. SENYER liniver ki deklare.

Mise 3:9

Ekoute! Zot bann sef dan fanmir Zakob, bann ziz dan fanmir Izrael! Zot ay lazistis; zot tordi tou sa ki drwat.

Ezekyel 22:12

Kot ou, i annan ki aksepte larzan pour fer koule disan, ki pret larzan, egziz gro lentere e eksplwat zot prosen pour anrisi zot. Me mwan, zot in oubliy mwan, Senyer BONDYE ki deklare.

2 Rwa 9:26

La sa ki SENYER i deklare: Yer mon ti war disan Nabot ek disan son bann garson. Mon pou rann ou laparey dan sa menm porsyon later. Alor, pran li e al zet li dan sa porsyon later, parey SENYER ti dir.”

Egzod 20:17

Ou pa pou anvi lakaz ou prosen; ou pa pou anvi fanm ou prosen, ni son serviter, ni son servant, ni son bef, ni son bourik, ni okenn keksoz ki pour ou prosen.

Liv Zob 31:38

Si mon later i kriy kont mwan; si bann transe in plere kont mwan;

1 Rwa 21:1

Apre sa bann levennman, la sa ki ti arive: Nabot, en zabitan Zizreel, ti annan en plantasyon rezen Zizreel, pre avek pale Akab, lerwa Samari.

Ezekyel 8:17

I ti dir mwan, “Ou ki en imen, ou'n war sa? I pa ase ki zabitan Zida i komet sa bann keksoz degoutan isi? Eski zot bezwen ranpli sa pei avek vyolans pour provok mon lakoler plis ankor? Pour ensilte mwan, zot met en brans anba mon nennen.

Ezekyel 22:13

Alor, mon lev mon koudpwen kont zot akoz bann aksyon malonnet ek krim ki zot komet parmi zot.

Ezekyel 33:26

Zot bann zonm, zot depann lo zot lepe; zot komet bann aksyon degoutan; zot pran fanm zot prosen; eski zot krwar zot pou kapab ganny posesyon sa pei?

Ezekyel 46:18

Prens pa devre pran patrimwann lepep e met zot deor lo zot propriyete. I ava donn son bann garson son propriyete, pour ki personn parmi mon pep pa ganny arase son propriyete.

Amos 2:7

Zot kraz bann malere dan lapousyer. Zot napa respe pour okenn drwa bann ki feb. En zonm i dormi avek menm fanm ki son papa; sa i en ensilt pour mon loner.

Mise 6:12

Ou bann ris i ranpli avek vyolans. Ou bann zabitan, zot bann manter. Dan zot labous, i sorti zis parol tronpri.

Ezai 3:14

SENYER i pare pour ziz bann ansyen ek bann dirizan son pep: Zot ki'n devaste mon plantasyon rezen, zot lakaz i plen avek keksoz ki zot in vole avek bann pov.

Ezekyel 45:9

La sa ki Senyer BONDYE i deklare: Bann prens ki gouvern Izrael! Ase! Aret fer vyolans ek viktimizasyon. Respekte lalwa ek lazistis; aret vol bann byen ki pour mon pep, Senyer BONDYE i deklare.

Amos 4:1

Bann fanm dan montanny Samari, ki gra parey bann vas Basann, ekout sa parol: Zot ki maltret dimoun ki feb, ki kraz bann pov, e ki dir zot mari anmenn keksoz pour bwar,