Mise 1:7 - Labib An Kreol Seselwa

⁷ Tou son bann stati pou ganny kas an morso. Kado ki zot in resevwar pou ganny zete dan dife. Mon pou detri tou son bann zidol. Zot bann gen prostitisyon pou reganny servi dan prostitisyon.

Mise 1:7 Referans Kwoze

Deterononm 23:18

Ou pa pou anmenn dan tanp SENYER, ou Bondye, okenn larzan prostitisyon koman en lofrann remersiman pour nenport ki ve. Tousala i degoutan devan SENYER, ou Bondye.

Oze 2:12

Mon pou detri son bann plantasyon rezen ek son bann pye fig. I ti pe dir: Sa lapey ki mon bann galan in donn mwan. Mon pou fer zot vin en landrwa brousay, kot zannimo sovaz pou vin manze.

Revelasyon 18:3

Tou bann nasyon in bwar diven son gran prostitisyon. Bann lerwa later in fer prostitisyon avek li. Bann marsan lo later in anrisi par pouvwar son larises.

Oze 8:6

Sa zenn bef i sorti kot Izrael, en artizan ki'n fer li. I pa Bondye. Sa zenn bef Samari, pou ganny kas an morso.

Revelasyon 18:9

Alor, kan zot pou war lafimen kot i pe brile, tou bann lerwa later ki'n komet move aksyon e fer letalaz larises avek li, pou plere e pou lamante lo son size.

Zoel 3:3

Zot in tir osor lo mon pep. Zot in vann bann zennzan, pour pey bann prostitye. Zot in vann bann zenn fiy, pour pey diven ki zot in bwar.

Oze 2:5

Annefe, zot manman i en prostitye. Sa enn ki'n met zot omonn, i kouver avek laont. I ti dir: Mon pou swiv mon bann galan ki donn mwan mon manze ek mon delo, mon lalenn ek mon latwal linenn, mon delwil ek mon diven.

Ezai 27:9

Konmsa ki pese Zakob pou ganny efase. La rezilta pardon son pese: Tou bann ros ki ti servi pour fer bann lotel avek pou ganny kraze e vin koman lapousyer. Tou bann poto sakre, oubyen bann lotel lansan, pou disparet.

2 Kronik 31:1

Kan lafet ti fini, tou Izraelit ki ti prezan, ti al dan bann lavil Zida. Zot ti demoli bann ros sakre ki ti'n ganny plase. Zot ti kraz bann ros sakre e detri tou bann landrwa sakre avek zot bann lotel partou dan Zida ek Benzamen, dan Efraim ek Manase. Apre, tou bann Izraelit ti al se zot dan zot prop lavil, sakenn dan son propriyete.

Deterononm 9:21

Apre, mon ti pran sa zenn bef, prodwi zot pese ki zot ti'n fer. Mon ti zet li dan dife, kas li an pti morso ziska ki i ti'n vin lapousyer. Mon ti zet sa lapousyer dan larivyer ki desann depi montanny.

Levitik 26:30

Mon pou detri zot bann landrwa sakre e fer disparet zot bann lotel lansan. Mon pou met zot kadav an ta lo kadav zot bann zidol. Mon pou annan degou pour zot.

1 Samyel 5:4

Lannmen ankor, ler zot ti leve granmaten, zot ti war Dagon lafas ater devan Kof SENYER: Latet Dagon ek son de lanmen ti'n kase e fannen devan laport; ti reste li zis lekor.

Ezai 2:18

Tou bann zidol pou disparet.

Ezai 23:17

Apre 70 an, SENYER pou entervenir. Tir pou retourn dan son trafik. I pou vann son lekor avek tou bann rwayonm lo later.

Ezekyel 6:6

Partou kot zot ete, zot bann lavil pou ganny devaste, landrwa sakre detri, lotel, zidol ek bann brazye lansan kas an morso e tou sa ki zot in fer pou disparet.

Oze 2:14

Pour sa rezon, mon pou sedwir li; mon pou anmenn li dan dezer e reganny son konfyans.

Oze 8:5

Samari! Ou zenn bef i ganny rezete. Mon lakoler in monte kont zot. Konbyen letan zot pou kapab viv en lavi inosan?