Mise 1:5 - Labib An Kreol Seselwa

⁵ Tousala i arive akoz pese Zakob, e akoz pese pep Izrael. Ki fot desandan Zakob in fer? Pa Samari? Lekel ki koupab pour lenfidelite dan Zida? Pa Zerizalenm?

Mise 1:5 Referans Kwoze

Amos 8:14

Serten pou fer serman lo non bann fo bondye Samari. Zot pou dir: Par lavi bondye Dann! Par semen sakre ki al Berseba! Zot pou tonbe e pa pou zanmen releve.

Zeremi 2:19

Ou prop pese ki pini ou. Ou bann enfidelite pe retourn kont ou. Konmsa, ou ava aprann ki mannyer i fer mal abandonn mwan, SENYER ou Bondye, e pa reste fidel anver mwan, SENYER, Bondye liniver i deklare.

Lamantasyon 5:16

Nou kouronn in tonbe lo nou latet. Maler i lo nou akoz nou'n fer pese.

Zeremi 6:19

Tou bann pep lo later! Ekoute: La mon pe anvoy maler lo sa pep, rezilta zot prop manigans, akoz zot in rezet mon lenstriksyon e zot pa'n obei mon komannman.

Zeremi 4:18

Tousala i ariv lo ou akoz mannyer ou'n viv e akoz tou sa ki ou'n fer. Ou pese i lakoz ou soufrans, ziska in pers ou leker.

Zeremi 2:17

Izrael! Tousala in ariv ou akoz ou'n abandonn SENYER, ou Bondye ler i ti pe gid ou lo ou semen.

1 Rwa 13:32

Annefe, mon sir ki sa parol SENYER ki i ti kriye kont lotel Betel e kont tou bann lakaz dan landrwa sakre dan lavil Samari, pou realize.”

Amos 6:1

Maler lo zot ki viv trankilman dan Siyon, e ki krwar zot an sekirite dan montanny Samari! Zot bann elit parmi bann nasyon, ver ki bann Izraelit i tournen!

Oze 7:1

Kan mon oule geri pep Izrael, mon war bann fot Efraim ek bann krim Samari: Zot malonnet; zot en bann voler ki kas lakaz; bann bandi ki vole dan semen.

Zeremi 5:25

Me ou bann fot in deranz tousala. Ou pese in anpes ou ganny sa bann bon keksoz.

2 Kronik 34:3

Dan wityenm lannen renny Zosyas, alor ki i ti ankor en zenn garson, i ti konmans aprann lavolonte Bondye parey David, son zanset. Dan douzyenm lannen son renny, i ti konmans debaras Zerizalenm ek rwayonm Zida avek bann landrwa sakre, bann poto sakre ek tou bann stati an bwa e an metal.

2 Kronik 34:4

Zozyas ti fer demoli devan li tou bann lotel Baal e anmenmtan kraz bann lotel lansan ki ti lo la. I ti koup bann poto sakre e kraz bann stati. Tousala ti ganny brile e lasann ti ganny fannen lo latonm bann pret ki'n ofer sakrifis.

Ezai 7:9

Samari i kapital Efraim e garson Remalia i sef Samari. Si ou napa lafwa ou pa pou kapab tenir.

Amos 7:9

Mon pou detri bann landrwa sakre desandan Izaak. Bann sanktyer Izrael pou ganny demoli. Mon pou servi lepe kont lafanmir rwayal Zeroboanm.”

Mise 1:13

Zabitan Lakis! Atas seval avek kales. Se kot ou, ki pese ki'n fer zabitan Zerizalenm tonbe, ti konmanse. Ou ki responsab pour tou sa bann pese Izrael.

1 Rwa 11:7

Alor Salomon ti konstri en landrwa sakre pour Kemok, bondye degoutan bann Amonit, lo montanny, anfas avek Zerizalenm.

1 Rwa 16:24

I ti aste montanny Samari pour 6,000 pyes larzan avek Semer. I ti konstri en lavil fortifye ki i ti apel Samari, dapre non Semer, ki ti propriyeter sa montanny.

Zeremi 23:13

Mon'n war pese ki bann profet dan Samari ti fer: Zot ti profetize lo non Baal e zot in anmenn Izrael, mon pep, lo move semen.

Zeremi 23:14

Me mon'n war bann profet dan Zerizalenm fer keksoz degoutan: Zot komet adilter e zot viv dan mansonz. Zot ankouraz dimoun kontinyen fer sa ki mal, e personn pa sanz son mannyer fer. Pour mwan, zot osi move ki bann zabitan Sodonm ek Gomor.

Ezekyel 16:46

Ou gran ser, Samari ek son bann fiy, i lo ou kote Nor, e ou pti ser, Sodonm, i lo ou kote Sid ek son bann fiy.