Mise 1:12 - Labib An Kreol Seselwa

¹² Zabitan Marot pe enkyet pour son boner. Me maler sorti kot SENYER, in ariv ziska devan laport Zerizalenm.

Mise 1:12 Referans Kwoze

Zeremi 14:19

Lepep i demann SENYER: SENYER! Eski ou'n vreman rezet Zida? Eski ou'n degoute avek Zerizalenm? Akoz ou'n tap nou sitan for ki nou blesir pa geri? Nou ti annan lespwar, me nanryen bon pa'n ariv nou; nou ti esper gerizon, me lafreyer ki'n anvai nou.

Mise 1:9

Annefe, son boubou i san okenn gerizon. I'n fannen ziska Zida; i'n ariv kot laport mon pep, ziska Zerizalenm.

Amos 3:6

Eski tronpet i sonnen dan lavil san fer enkyet bann zabitan? Eski en maler i arive dan en lavil si SENYER pa'n anvoye?

Zeremi 8:15

Nou ti pe espere ki lape ava aranz tou e ki nou ti ava ganny en letan pour nou swanny nou bann blesir. Me nanryen pa'n arive. Olye sa, lafreyer ki'n tap nou.

Ezai 45:7

Mwan ki fer lalimyer e kree fernwanr. Mon fer boner e mon fer maler. Mwan menm SENYER ki fer tousala.

Liv Zob 30:26

Mon ti pe esper boner, me maler ki'n vini! Mon ti pe esper lalimyer, me fernwanr ki'n vini!

1 Samyel 4:13

Ler sa zonm ti arive, Eli ti pe espere, asiz lo son sez dan bor semen; i ti dan en gran traka pour Kof lalyans Bondye. Koman sa zonm ti antre dan lavil, i ti anons nouvel e dimoun dan lavil antye, ti kriye.

Rit 1:20

Me i ti reponn zot, “Pa apel mwan Naomi, ki vedir Erez, apel mwan Mara, savedir anmer, akoz Bondye Toupwisan in rann mon lavi vreman anmer!