Mise 1:11 - Labib An Kreol Seselwa

¹¹ Zabitan Safir! Ale. Pran semen legzil touni e dan laont! Zabitan Saanann pa oze sorti. Dan Bet-Esel i annan lamantasyon; i nepli donn son sipor.

Mise 1:11 Referans Kwoze

Ezai 20:4

lerwa Asiri pou pran bann Ezipsyen prizonnyen e deport bann Nibyen, zenn ek vye, san sandal, touni, zot deryer deor. Sa pou en laont pour Lezip.

Nahoum 3:5

Alor, la sa ki SENYER liniver i deklare: Mon kont ou, mon pou lev ou rob ziska lo ou figir. Mon pou montre bann nasyon ou touni e bann rwayonm ava war ou laont.

Mise 1:8

Pour sa rezon, mon pou lamante e kriye. Mon pou mars pyeni e touni. Mon pou irle parey en sakal e plennyen parey en lotris.

Ezekyel 23:29

Zot pou tret ou avek laenn e sezi tou bann prodwi ou travay. Zot pou kit ou konpletman touni e met deor an piblik tou ou bann move lavi ek ou prostitisyon.

Ezekyel 16:37

mon pou rasanble tou ou bann galan avek ki ou'n ganny plezir, bann ki ou'n kontan ek bann ki ou pa'n kontan. Mon pou rasanble zot kont ou, sorti tou kote. Mon pou tir ou, touni devan zot e zot ava war ou touni.

Zeremi 48:9

Donn Moab lezel pour li sove; son destriksyon pe vini. Son bann lavil pou ganny detri, son bann zabitan pou disparet.

Zeremi 48:6

Depese! Sov zot lavi! Taye, parey en bourik sovaz dan dezer!

Zeremi 13:22

Si ou demann ou lekor: Akoz tousala in arive ou? Akoz sa kantite fot ki ou'n fer kan ou rob ti ganny desire e ou ti ganny vyole.

Ezai 16:2

Bann fiy Moab pe espere lo bor larivyer Arnon kot i sek. Zot parey bann zwazo ki pe anvole partou akoz zot in ganny pouse dan zot nik.

Zozye 15:37

Osi Senann, Hadasa, Migdal-Gad,

Zakari 14:5

Alor, zot pou sove an pasan par vale montanny SENYER, akoz vale sa bann montanny pou al ziska Asal. Zot pou taye parey ler zot ti fer pour sov tranblemandter dan letan Ozyas, lerwa Zida. Apre sa, SENYER mon Bondye pou arive avek tou son bann lanz ki servi li.