Matye 8:1 - Labib An Kreol Seselwa

¹ Kan Zezi ti desann sorti lo montanny, en gran lafoul ti swiv li.

Matye 8:1 Referans Kwoze

Matye 8:18

Kan Zezi ti war sa lafoul otour li, i ti donn lord son bann disip pour al lot kote lak avek li.

Matye 4:25

En gran lafoul ti swiv li sorti depi Galile, dan rezyon Dekapol, depi Zerizalenm, Zide e dan teritwar ki lo lot kote larivyer Zourden.

Levanzil dapre Lik 5:15

Sepandan, nouvel lo Zezi ti fann plis ankor. Bann gran lafoul ti rasanble pour ekout li, e pour li geri zot maladi.

Mark 3:7

Zezi ek son bann disip ti al obor lak. En gran lafoul sorti Galile ek Zide ti swiv li.

Matye 20:29

Letan Zezi ti pe sorti Zeriko, en gran lafoul ti swiv li.

Matye 19:2

En gran lafoul ti swiv li e i ti geri bann malad.

Matye 15:30

En kantite dimoun ti vin kot li. Zot ti anmenn bann dimoun bwete, envalid, aveg, kozpa e en kantite lezot malad. Zot ti depoz bann malad devan Zezi; i ti geri zot.

Matye 12:15

Kan Zezi ti aprann sa, i ti kit sa landrwa e en gran lafoul ti swiv li. I ti geri tou bann ki ti malad.

Matye 7:29

Annefe, i pa ti ansenny parey zot bann profeser Lalwa, me avek lotorite.

Matye 8:2

Alor, en zonm ki ti annan en maladi parey lalep ti vin kot Zezi. I ti tonm lafas ater devan li e sipliy li, “Senyer, si oule, ou kapab fer mwan vin pir.”