Matye 4:2 - Labib An Kreol Seselwa

² Apre ki i ti'n reste 40 zour ek 40 nwit san manze, Zezi ti lafen.

Matye 4:2 Referans Kwoze

Deterononm 9:18

Mon ti reste prosternen devan SENYER parey avan, pandan 40 zour ek 40 nwit san manze ni bwar, akoz zot bann pese. Zot ti'n komet sa ki mal devan SENYER e fer li ankoler.

1 Rwa 19:8

I ti leve, manze e bwar. Sa manze ti donn li lafors pour marse pandan 40 zour e 40 nwit ziska Horeb, montanny Bondye.

Egzod 34:28

Moiz ti reste avek SENYER pandan 40 zour, 40 nwit san manze, ni bwar. I ti ekri lo bann plak ros, bann parol lalyans: Dis komannman.

Levanzil dapre Lik 4:2

Laba, dyab ti tant li pandan 40 zour. Zezi pa ti manz nanryen pandan tou sa letan. Alor, i ti lafen.

Deterononm 9:9

Ler mon ti al lo montanny pour resevwar bann plak ros, bann plak lalyans ki SENYER ti'n fer avek zot, mon ti pas 40 zour, 40 nwit lo montanny, san manze ni bwar.

Deterononm 9:25

Pandan sa 40 zour ek 40 nwit, mon ti reste prosternen devan SENYER, akoz SENYER ti oule detri zot.

Egzod 24:18

Moiz ti penetre dan sa nyaz e i ti mont lo montanny. I ti reste lo montanny pandan 40 zour, 40 nwit.

Levanzil dapre Zan 4:6

Lanmenm la kot ti annan pwi Zakob. Koman Zezi ti fatige, i ti asiz lo bor pwi. Ti anviron midi.

Mark 11:12

Lannmen, ler zot ti kit Betani, Zezi ti lafen.

Deterononm 18:18

Mon pou anvoy zot en profet parey ou, sorti parmi zot prop pep. Mon pou met mon bann parol dan labous sa profet ki ava dir zot tou sa ki mon'n ordonnen.

Matye 21:18

Lannmen granmaten, kan zot ti pe retourn anvil, Zezi ti lafen.

Matye 25:35

Mon ti lafen, zot ti donn mwan manze. Mon ti swaf, zot ti donn mwan delo. Mon ti en etranze, e zot ti resevwar mwan se zot.

Matye 25:42

Mon ti lafen, zot pa ti donn mwan manze; mon ti swaf, zot pa ti donn mwan keksoz pour bwar.