Matye 10:3 - Labib An Kreol Seselwa

³ Filip ek Bartelemi; Toma ek Matye, ki ti en kolekter taks; Zak, garson Alfe, ek Tade;

Matye 10:3 Referans Kwoze

Akt de Zapot 1:13

Kan zot ti ariv Zerizalenm, zot ti mont dan en lasanm dan letaz, kot zot ti abitye reini. Ti annan Pyer, Zan, Zak, Andre, Filip ek Toma, Bartelemi ek Matye, Zak garson Alfe, Simon, en nasyonalis, ek Zid, garson Zak.

Mark 3:18

Andre, Filip, Bartelemi, Matye, Toma, Zak, garson Alfe, Tade, Simon ki zot ti apel Zelot,

Mark 2:14

Letan i ti pe pase, i ti war Levi, garson Alfe, asiz dan biro taks. I ti dir li, “Swiv mwan.” Levi ti leve e swiv Zezi.

Matye 9:9

Zezi ti kit sa lavil. An pasan, i ti war en zonm ki ti apel Matye, asize dan biro taks. Zezi ti dir li, “Swiv mwan!” Matye ti leve e i ti swiv Zezi.

Levanzil dapre Zan 21:2

Simon Pyer, Toma ki zot ti apel Zimo, Natanael, ki ti sorti Kana dan Galile, bann garson Zebede, ek de lezot disip ti ansanm.

Levanzil dapre Zan 11:16

Toma, ki ti apel Zimo, ti dir avek lezot disip, “Nou osi! Annou al avek nou Met, pour nou mor avek li.”

Let Zid 1:1

Sa let i sorti kot Zid, serviter Zezi-Kri, e frer Zak. Pour tou bann ki'n ganny apele par Bondye e ki viv dan lanmour Bondye Papa e ki ganny garde par Zezi-Kri.

Let Zak 1:1

Sa let i sorti kot Zak, en serviter Bondye e Senyer Zezi-Kri: Pour sa 12 tribi disperse partou dan lemonn, meyer salitasyon!

Galat 2:9

Kan zot ti rekonnet lagras ki mon ti'n gannyen, Zak, Pyer ek Zan ki ti ganny konsidere koman bann dirizan, bann kolonn, zot ti donn mwan ek Barnabas lanmen drwat; sa ti koman en siny lakominyon. Alor, nou ti tonm dakor ki Barnabas ek mwan, nou pou al kot bann non-Zwif e zot, zot pou al kot bann Zwif.

Galat 1:19

Mon pa ti war okenn lezot zapot, apard Zak, frer Senyer.

Akt de Zapot 21:18

Lannmen, Pol, ansanm avek nou, ti al kot Zak kot tou bann ansyen ti'n reini.

Akt de Zapot 12:17

I ti fer siny avek son lanmen pour zot reste trankil e i ti eksplike koman Senyer ti'n delivre li dan prizon. I ti azoute, “Al anons sa Zak ek lezot bann frer.” Apre, i ti sorti e al en lot landrwa.

Levanzil dapre Lik 5:27

Apre sa, Zezi ti sorti. I ti war Levi, en kolekter taks ki ti pe asiz dan son biro. Zezi ti dir li, “Swiv mwan.”

Akt de Zapot 15:13

Kan zot ti'n fini koze, Zak ti pran laparol. I ti dir, “Mon bann frer! Ekout mwan byen.

Levanzil dapre Zan 14:22

Zid, pa Zida Iskaryot, ti dir li, “Senyer! Akoz ou pou fer nou konn ou e non pa avek lemonn?”

Levanzil dapre Zan 14:9

Zezi ti reponn li, “Filip, pandan tou sa letan mon'n avek zot, ou pa ankor konn mwan? Sa enn ki'n war mwan in osi war mon Papa. Akoz ou dir: Montre mwan ou Papa?

Matye 27:56

Parmi zot, ti annan Mari Madlenn, Mari, manman Zak ek Zozef, ek manman bann garson Zebede.

Matye 18:17

Me si i refize ekout zot, dir tou avek Legliz. Si i refize ekout Legliz, ou ava konsider li koman en non-Zwif oubyen en kolekter taks.

Mark 15:40

Pa tro lwen, ti annan osi bann fanm ki ti pe gete. Parmi zot ti annan Mari Madlenn, Mari manman Pti Zak, Zoze, ek Salome.

Levanzil dapre Lik 18:10

“De zonm ti mont dan Tanp pour priye. Enn ti en Farizyen e lot ti en kolekter taks.

Levanzil dapre Lik 18:11

Sa Farizyen ti debout e priy dan li menm: Mon Bondye! Mon remersye ou ki mon pa parey leres bann zonm ki voler, enzis, adilter. Mon remersye ou osi akoz mon pa parey sa kolekter taks.

Levanzil dapre Lik 18:13

Sa kolekter taks ti reste lwen deryer. I pa ti menm oze lev lizye pour get lesyel, me i ti tap son lestoma e dir: Mon Bondye! Pran pitye pour mwan ki en peser!

Levanzil dapre Lik 19:2

La, ti annan en zonm ki ti apel Zase. I ti en sef kolekter taks e i ti ris.

Levanzil dapre Zan 1:48

Natanael ti demann li, “Koman ou konn mwan?” Zezi ti dir li, “Avan menm ki Filip ti vin koz avek ou, mon ti war ou anba pye fig.”

Levanzil dapre Zan 14:5

Toma ti dir li, “Senyer! Nou pa konnen kote ou pe ale; ki mannyer nou pou fer pour konn semen?”