Matye 1:1 - Labib An Kreol Seselwa

¹ Sa i lalis bann zanset Zezi-Kri, desandan David, ki ti li menm en desandan Abrahanm:

Matye 1:1 Referans Kwoze

Zenez 22:18

Atraver ou desandans, tou nasyon lo later pou ganny beni, akoz ou'n ekout mon lavwa.”

Galat 3:16

Bondye ti fer son bann promes avek Abrahanm e avek son desandans. I pa ti dir: Avek son bann desandan, konmsi i annan plizyer. Me i ti refer avek en sel: Avek ou desandan, setadir Kris.

Romen 1:3

Sa i konsern son Garson Zezi-Kri, nou Senyer. Koman en zonm, i ti desandan lerwa David.

Revelasyon 22:16

Mwan Zezi, mon'n anvoy mon lanz avek sa temwannyaz konsernan bann Legliz. Mwan menm desandan David; mwan menm sa zetwal ki briye granmaten.

Psonm 132:11

SENYER in fer sa serman avek David; en serman ki i pa pou sanze: Mon pou met enn ou bann zanfan lo ou tronn.

Zeremi 23:5

La sa ki SENYER i deklare: Bann zour pe vini, kan mon pou fer paret en vre desandan David. En lerwa ki pou renny avek disernman e ki pou fer respekte lalwa ek lazistis dan pei.

Ezai 11:1

En bourzon ava sorti dan tron Zese, en brans ava sorti dan son rasin.

Levanzil dapre Zan 7:42

Lekritir pa i dir ki Mesi i devret en desandan lerwa David e sorti Betlehenm, vilaz kot David i sorti?”

Zenez 12:3

Mon pou beni bann ki beni ou; mon pou modi bann ki modi ou. Atraver ou, tou fanmir lo later pou ganny beni.”

Akt de Zapot 2:30

David ti en profet, e i ti konn bann promes ki Bondye ti'n fer avek li par serman. Bondye ti promet pour fer enn son desandan vin lerwa parey li.

Matye 1:18

La dan ki sirkonstans Zezi-Kri ti ne: Mari, manman Zezi ti'n fiyanse avek Zozef. Me avan ki zot ti konmans viv ansanm, i ti trouv li ansent par laksyon Lespri Sen.

Ezai 53:8

Par en move zizman, i ti ganny arete avek vyolans. Lekel ki ti pran ka dan son sor? I ti'n ganny tire lo later parmi bann vivan, ganny met anmor akoz bann revolt mon pep.

Romen 9:5

Zot desandan bann patriars, e Kris, koman en imen, i fer parti zot pep; i par lao tou. Bondye ava ganny loue pour touzour. Amenn.

Romen 4:13

Bondye ti promet Abrahanm ek son desandan ki zot pou erit later, pa akoz Abrahanm ti obei Lalwa, me akoz i ti ganny konsidere koman zis, par son lafwa.

Matye 15:22

En fanm Kananeen ki ti reste dan sa rezyon, ti vin kot Zezi. I ti konmans kriye, “Senyer, Garson David pran pitye pour mwan. Mon fiy pe ganny tourmante par en demon.”

Matye 9:27

Koman Zezi ti kit sa landrwa, de zonm aveg ki ti swiv Zezi de lwen, ti kriye, “Garson David! Pran pitye pour nou.”

Zeremi 33:26

alor, mon ti ava'n kapab rezet desandans Zakob ek David mon serviter. Mon ti ava'n kapab rezet desandans Zakob ek mon serviter David e aret pran dan son desandans sa bann ki pou gouvern desandans Abrahanm, Izaak ek Zakob. Me mon pou annan pitye pour zot e mon pou fer zot prospere parey avan.

Zenez 2:4

Sa i lorizin lesyel ek later kan zot ti ganny kree. Kan SENYER Bondye ti kree later ek lesyel,

Matye 3:16

Zis koman i ti'n fini ganny batize, Zezi ti sorti dan delo. Alor, lesyel ti ouver pour li: I ti war Lespri Bondye desann lo li dan laform en pizon.

Zakari 12:8

Sa zour, SENYER pou protez bann zabitan Zerizalenm. Konmsa, sa enn ki pli feb parmi zot, ava parey David e desandan David pou vin parey Bondye pour zot, parey lanz SENYER ki mars devan zot.

Amos 9:11

La sa ki SENYER i deklare: Sa zour pe vini kan mon pou rekonstri lavil David ki'n tonm anrin parey en payot. Sa zour la, mon pou repar li, mon pou remet li debout. Mon pou rekonstri li e retourn li parey i ti ete avan.

Zenez 5:1

Sa lalis bann desandan Adan: Kan Bondye ti kree bann imen, i ti fer zot dan resanblans Bondye.

Psonm 89:36

Son desandans pou dire pour touzour; son tronn pou reste devan mwan parey soley.

Psonm 89:3

Ou'n deklare: Mon'n fer en lalyans avek sa enn ki mon'n swazir; mon'n promet David mon serviter:

Matye 1:2

Abrahanm ti papa Izaak; Izaak ti papa Zakob; Zakob ti papa Zida ek son bann frer.

Levanzil dapre Lik 1:33

I pou renny lo tou desandan Zakob pour touzour, e son renny pa pou zanmen fini.”

1 Timote 2:5

Annefe, i annan en sel Bondye e en sel medyater ant Bondye ek bann imen: En zonm, Zezi-Kri,

2 Timote 2:8

Mazin Zezi-Kri, desandan David ki'n resisite parmi bann mor, parey Bonn Nouvel ki mon anonse.