Biblia Todo Logo
Bib sou entènèt

- Piblisite -




Mark 9:50 - Labib An Kreol Seselwa

50 Disel i bon, me si i'n perdi son gou, ki mannyer ou pou kapab fer li vin sale ankor? Met disel dan zot lavi e viv anpe avek kanmarad.”

Gade chapit la Kopi




Mark 9:50
28 Referans Kwoze  

Veye ki zot parol i touzour agreab e enteresan, pour zot kapab donn bann repons valab tou dimoun.


Si i posib, fer tou sa ki depann lo zot, pour zot viv anpe avek tou dimoun.


Zezi ti kontinyen dir: Se zot disel later. Me si disel i perdi son gou, avek kwa ou pou redonn li son gou sale? I pa bon pour nanryen; i ganny zete deor, pour dimoun mars lo la.


Fer tou zefor posib pour rod lape avek tou dimoun. Viv en lavi sen, sankwa personn pa pou war Senyer.


Aprezan, mon bann frer ek ser! Mon dir zot adye! Rod laperfeksyon, swiv bann bon konsey, ankouraz kanmarad, viv anpe dakor avek kanmarad, e Bondye lanmour ek lape ava avek zot.


Me i enportan ki zot konport zot dan en fason diny anver Bonn Nouvel Kris. Alor, ki mon vin war zot, oubyen ki mon pa vini, mon swete tande ki zot pe reste ini solidman dan en menm lespri; ki ansanm, avek en menm leker, zot pe konbat pour lafwa ki baze lo Bonn Nouvel.


Lekel ki kapab manz keksoz fad, san disel? Eski blandef i annan gou?


Annan bokou respe ek lafeksyon pour zot, akoz travay ki zot pe fer. Viv byen anpe ant zot.


Pa les bann move parol sorti dan zot labous; me koz zis bann parol itil ki kapab ed lezot pour progrese dan lafwa e kan i neseser, pour fer dibyen sa enn ki ekout ou.


Anfen, zot tou, zot devre annan menm panse ek menm santiman. Kontan kanmarad koman frer; annan konpasyon pour kanmarad e viv dan limilite.


akoz en dimoun ankoler pa realiz plan lazistis Bondye.


Alor, pa swiv bann pasyon lazenes. Rod lazistis, lafwa, lanmour, lape, ansanm avek bann ki envok Senyer avek en leker pir.


Alor, koman en pep ki Bondye in swazir, en pep konsakre pour li e ki i kontan, ranpli zot avek konpasyon, labonte, limilite, ladouser ek lapasyans.


Me la bann fri ki Lespri i prodwi: Lanmour, lazwa, lape, pasyans, labonte, zenerozite, fidelite,


Aret fer sa ki mal, pratik sa ki byen; rod lape e met li an pratik.


Me zot ti reste trankil, akoz dan semen, zot ti pe diskite ant zot, pou konnen lekel ki pli enportan parmi zot.


I bon, i gou war bann frer viv ini ansanm.


Ou ava prezant zot devan SENYER. Bann pret ava fann disel lo zot e ofer zot koman sakrifis konplet devan SENYER.


Annefe, tou dimoun pou ganny sale avek dife.


Swiv nou:

Piblisite


Piblisite