Mark 9:5 - Labib An Kreol Seselwa

⁵ Alor, Pyer ti dir Zezi, “Met! Nou byen isi; annou mont trwa latant, enn pour ou, enn pour Moiz e enn pour Eli.”

Mark 9:5 Referans Kwoze

Filipyen 1:23

Mon ganny trennen dan de kote: Mon ti ava kontan kit sa lavi pour al avek Kris. Sa ti ava preferab.

Matye 23:7

Zot kontan ganny salye dan bann landrwa piblik e ganny apele: Met.

Psonm 84:10

En sel zour dan lakour ou tanp i pli agreab ki mil zour pase dan nenport ki landrwa. Mon ti ava prefere reste devan laport sanktyer mon Bondye, plito ki viv dan latant ranpli avek malfeter.

1 Zan 3:2

Mon bann zanmi! Aprezan nou zanfan Bondye, e sa ki nou pou ete plitar pa ankor ganny revele. Me nou konnen ki kan Kris pou aparet, nou pou parey li, akoz nou pou war li parey i ete.

Matye 17:4

Alor, Pyer ti dir avek Zezi, “Senyer! Nou byen isi. Si ou dakor, mon ava mont trwa latant isi, enn pour ou, enn pour Moiz e enn pour Eli.”

Matye 23:8

Me zot, pa fer personn apel zot ‘Met’, akoz zot annan en sel Met e zot tou zot frer.

Mark 9:4

Eli ek Moiz ti aparet devan zot; zot ti pe koz avek Zezi.

Mark 9:6

I pa ti konnen ki pou dir, akoz zot ti telman per.

Levanzil dapre Lik 9:33

Koman sa de zonm ti pe kit Zezi, Pyer ti dir li, “Met! Nou byen isi. Annou mont trwa latant, enn pour ou, enn pour Moiz e enn pour Eli.” I pa ti vreman konnen ki i ti pe dir.

Levanzil dapre Zan 4:31

Pandan sa letan, bann disip ti pe sipliy Zezi, “Met! Manz en pe.”