Mark 9:37 - Labib An Kreol Seselwa

³⁷ “Sa enn ki resevwar an mon non, en zanfan parey sa enn, se mwan ki i resevwar. Sa enn ki resevwar mwan, i pa resevwar zis mwan, me osi sa enn ki'n anvoy mwan.”

Mark 9:37 Referans Kwoze

Levanzil dapre Lik 10:16

Sa enn ki ekout zot, i ekout mwan; sa enn ki rezet zot, i rezet mwan, e sa enn ki rezet mwan, i rezet sa Enn ki'n anvoy mwan.

Levanzil dapre Lik 9:48

I ti dir zot, “Sa enn ki resevwar sa zanfan an mon non, i resevwar mwan menm, e sa enn ki resevwar mwan, i resevwar sa enn ki'n anvoy mwan. Sa enn ki pli pti parmi zot, li menm ki pli enportan.”

Levanzil dapre Zan 10:30

Mwan ek mon Papa nou en sel.”

Levanzil dapre Zan 5:23

pour ki tou dimoun i onor son Garson parey zot onor li. Sa enn ki pa onor son Garson, i pa onor son Papa ki'n anvoy li.

Matye 18:10

“Fer sir ki zot pa mepriz okenn sa bann pti zanfan. Annefe, mon dir zot: Zot bann lanz i toultan dan prezans mon Papa ki dan lesyel.

Matye 25:40

Lerwa pou reponn zot: Mon dir zot, sa i laverite: Sak fwa ki zot ti fer sa, pour enn bann pli pti parmi mon bann frer, se anver mwan, ki zot ti fer li!

1 Tesalonisyen 4:8

Pour sa rezon, sa enn ki rezet en tel lansennyman pa rezet en zonm, me Bondye ki donn li son Lespri Sen.

Mark 9:36

Alor, i ti pran en zanfan ki i ti met dan milye zot. I ti ser sa zanfan dan lebra. I ti dir zot,

Levanzil dapre Zan 13:20

Mon dir zot, sa i laverite: Sa enn ki akey sa dimoun ki mon'n anvoye, i akey mwan, e sa enn ki akey mwan, i pe akey sa enn ki'n anvoy mwan.”