Mark 9:35 - Labib An Kreol Seselwa

³⁵ Alor, Zezi ti asize e apel son douz disip. I ti dir zot, “Si en dimoun i oule vin premye, fodre i vin dernyen e i fer li serviter tou dimoun.”

Mark 9:35 Referans Kwoze

Levanzil dapre Lik 22:26

Me zot, zot pa devre fer konmsa. O kontrer, sa enn ki pli enportan parmi zot i devre pran plas sa enn ki pli pti, e sa enn ki sef, i devre parey en serviter.

Matye 23:11

Sa enn ki pli enportan parmi zot i bezwen vin zot serviter.

Let Zak 4:6

Me lagras ki Bondye i donnen i siperyer. Annefe, Lekritir i deklare: Bondye i reziste bann ki orgeye, me i donn son lagras bann ki annan limilite.

Levanzil dapre Lik 18:14

Mon dir zot, sa kolekter taks ti retourn kot li son pese pardonnen, me pa sa Farizyen. Annefe, tou dimoun ki esey pas pour pli enportan, pou ganny abese e bann ki abes zot, pou vin pli enportan.”

Zeremi 45:5

E ou? Eski ou pe rod gran keksoz pour ou? Pa rode, akoz mon pe anvoy maler lo tou dimoun. Me ou, mon pou protez ou lavi koman en depouy lager, partou kot ou pou ale.

Proverb 13:10

Larogans i provok zis dispit; lasazes i avek sa enn ki ekout konsey.

Mark 9:36

Alor, i ti pran en zanfan ki i ti met dan milye zot. I ti ser sa zanfan dan lebra. I ti dir zot,