Mark 7:24 - Labib An Kreol Seselwa

²⁴ Apre, Zezi ti sorti e i ti al dan rezyon Tir ek Sidon. I ti antre dan en lakaz, e i pa ti anvi ki personn i konnen. Me i pa ti kapab kasyet.

Mark 7:24 Referans Kwoze

Matye 11:21

Zezi ti dir: Maler lo ou Korazin! Maler lo ou Betsayda! Si bann mirak ki'n ganny fer kot zot, ti'n ariv dan lavil Tir ek Sidon, lontan zot bann zabitan ti ava'n met lenz dey e kouver zot avek lasann.

Ezekyel 28:2

Ou ki en imen, dir lerwa Tir: La sa ki Senyer BONDYE i deklare: Akoz lorgey in ranpli ou leker e ou'n dir: Mon en bondye; mon pe asiz lo son tronn lo milye lanmer. Me, ou pa bondye, ou zis en et imen. Ou konsider ou egal avek en bondye.

1 Timote 5:25

Demenm, i fasil war bann bon aksyon. Menm sa bann ki pa aparet toudswit, pa kapab reste toultan kasyet.

Matye 9:28

Kan Zezi ti ariv kot lakaz, sa de zonm aveg ti swiv li. Zezi ti demann zot, “Eski zot krwar ki mon kapab geri zot?” Zot ti reponn li, “Wi, Senyer.”

Zenez 10:15

Kanaan ti papa Sidon, son lene garson, ek Het,

Mark 2:1

Detrwa zour plitar, Zezi ti retourn Kapernaoum. Dimoun ti tande ki i ti la dan lakaz.

Ezai 42:2

I pa pou kriye ni lev lavwa; personn pa pou antann son lavwa dan semen.

Ezai 23:12

In dir: Zabitan Sidon pou nepli fer lafet. Ou parey en zenn fiy ki'n ganny vyole. Leve! Al Sip. Menm laba, ou pa pou ganny okenn repo.

Zenez 49:13

Zabilon pou reste obor lanmer; i pou en por pour bann bato, e son teritwar pou ariv ziska Sidon.

Zenez 10:19

e zot teritwar ti pran depi Sidon dan direksyon Gerar, ziska Gaza, e dan direksyon Sodonm, Gomor, Adma ek Seboim, ziska Lesa.

Mark 7:23

Tou sa bann move keksoz i sorti dan leker zonm e i rann li enpir.”

Mark 7:25

Annefe, en fanm ki ti annan en pti fiy ki ti posede par en move lespri ti tande ki Zezi ti la. I ti vin kot li e tonm azenou devan li.

Mark 7:31

Apre sa, Zezi ti kit teritwar Tir. I ti travers Sidon ziska lak Galile, atraver rezyon Dekapol.