Mark 16:15 - Labib An Kreol Seselwa

¹⁵ I ti dir zot, “Al partou dan lemonn antye; anons Bonn Nouvel avek tou dimoun.

Mark 16:15 Referans Kwoze

Matye 28:19

Al parmi zabitan bann nasyon, e fer zot vin mon bann disip. Batiz zot lo non Papa, lo non Garson e lo non Lespri Sen.

Mark 13:10

Me avan sa, Bonn Nouvel pou ganny anonse avek tou bann nasyon.

Akt de Zapot 1:8

Me kan Lespri Sen pou desann lo zot, zot pou resevwar en lafors. Zot ava mon bann temwen dan Zerizalenm, dan rezyon Zide antye e dan Samari, ziska dan bout later.”

Psonm 96:3

Proklanm son grander parmi tou bann nasyon; rakont son bann mervey parmi tou bann pep.

1 Zan 4:14

E nou, nou'n war e nou proklanmen ki Bondye Papa in anvoy son Garson koman Sover lemonn.

Levanzil dapre Zan 15:16

Pa zot ki'n swazir mwan, me mwan ki'n swazir zot e etabli zot pour ale e raport bokou fri, bann fri ki pou dire. Mon Papa i ava donn zot nenport kwa ki zot demande an mon non.

Levanzil dapre Zan 20:21

Zezi ti dir zot ankor, “Lape i avek zot. Parey Papa in anvoy mwan, mwan osi mon anvoy zot.”

Kolosyen 1:23

Sepandan, fodre ki zot kontinyen reste fidel dan lafwa lo en fondasyon solid. Fodre pa les zot ganny antrennen lwen avek sa lesperans ki zot in gannyen depi ki zot in antann Bonn Nouvel. Sanmenm sa Bonn Nouvel ki'n ganny anonse avek tou dimoun dan lemonn antye e pour ki mwan, Pol, mon'n vin son serviter.

Romen 16:26

Me la aprezan, sa mister i'n ganny revele e anonse avek tou bann nasyon, par sa ki bann profet in ekri, dapre lord Bondye eternel, pour ki zot ariv dan lobeisans par lafwa.

Romen 10:18

Alor, mon demande: Eski bann Zwif pa'n antann sa nouvel? Mon dir, wi zot in tande. Lekritir i deklare: Zot lavwa in rezonnen lo later antye, e zot parol in fer letour lemonn.

Psonm 22:27

Later antye, ava mazin SENYER. Zabitan later ava retourn ver li. Tou bann fanmir bann pep ava ador li.

Ezai 45:22

Zot tou ki reste dan bout later, retourn kot mwan e zot ava ganny sove. Akoz mwan menm ki Bondye e napa okenn lot.

Revelasyon 14:6

Apre, mon ti war en lot lanz pe anvole tre o dan lesyel. I ti annan en Bonn Nouvel eternel pour anons tou zabitan later, nasyon, tribi, lalang ek pep.

Kolosyen 1:6

Mesaz Bonn Nouvel i kontinyen repann e raport fri dan lemonn antye, parey in fer parmi zot, depi sa zour ki pour premye fwa, zot ti antann koz lo lagras Bondye e konnen ki i ete vreman.

Efezyen 2:17

Kris in alor vin anons Bonn Nouvel lape pour tou dimoun: Pour zot bann non-Zwif, ki ti lwen avek Bondye, e pour bann Zwif ki ti pre avek li.

Ezai 49:6

I ti deklare: Mon'n swazir ou koman mon serviter zis pour relev bann tribi Zakob e ranmenn leres Izrael ver mwan. Mon pou fer ou vin en lalimyer bann nasyon, pour ki tou zabitan later antye ava ganny sove par mwan.

Psonm 98:3

I rapel son fidelite ek son lanmour anver pep Izrael. Tou bann nasyon lo later in war bann laviktwar nou Bondye.

Ezai 52:10

SENYER in montre lafors son lebra devan tou bann nasyon; e later antye pou war ki mannyer nou Bondye i sov son pep.

Akt de Zapot 1:2

ziska zour ki i ti mont dan lesyel. Avan mont dan lesyel, i ti donn bann lenstriksyon, par Lespri Sen pour bann zonm ki i ti'n swazir koman zapot.