Mark 15:47 - Labib An Kreol Seselwa

⁴⁷ Mari Madlenn ek Mari, manman Zoze ti pe gete kot zot ti depoz Zezi.

Mark 15:47 Referans Kwoze

Mark 15:40

Pa tro lwen, ti annan osi bann fanm ki ti pe gete. Parmi zot ti annan Mari Madlenn, Mari manman Pti Zak, Zoze, ek Salome.

Mark 16:1

Apre saba, Mari Madlenn, Mari, manman Zak ek Salome, ti aste bann prodwi aromatik pour zot al anbonm lekor Zezi.

Levanzil dapre Lik 23:55

Bann fanm ki ti'n akonpanny Zezi depi Galile, ti swiv Zozef. Zot ti get tonbo Zezi e ki mannyer zot ti'n depoz son lekor.

Matye 28:1

Apre saba, byen granmaten premye zour lasemenn, Mari Madlenn ek lot Mari ti al get tonbo.

Matye 27:61

Mari Madlenn ek lot Mari ti la; zot ti pe asiz fas avek tonbo.

Matye 27:56

Parmi zot, ti annan Mari Madlenn, Mari, manman Zak ek Zozef, ek manman bann garson Zebede.

Mark 15:46

Zozef ti aste en dra linenn. I ti fer desann lekor Zezi lo lakrwa, anvlop li dan sa dra e depoz li dan en tonbo ki ti'n fouye dan ros. Apre, i ti roul en gro ros devan lantre sa tonbo.