Mark 14:65 - Labib An Kreol Seselwa

⁶⁵ En bann parmi zot ti konmans kras lo li, bann son lizye, e tap li. Zot ti dir, “Profetize! Devinen lekel ki'n tap ou.” Bann gard osi, ti atrap li e bat li.

Mark 14:65 Referans Kwoze

Akt de Zapot 23:2

Gran-Pret Ananyas ti donn lord bann ki ti pre avek Pol pour kalot li lo son labous.

Levanzil dapre Zan 19:3

Zot ti apros li an dizan, “Bonzour lerwa bann Zwif!” E zot ti kalot li.

Ezai 50:6

Mon ti vir mon ledo avek sa bann ki ti pe fwet mwan e mon lazou avek sa bann ki ti pe aras mon labarb. Mon pa ti kasyet mon figir avek bann ki ti pe ensilte mwan e kras lo mwan.

Levanzil dapre Zan 18:22

Kan Zezi ti'n dir sa, en gard ki ti la, ti kalot li. I ti dir, “Konmsa ki ou reponn Gran-Pret?”

Mark 15:19

Zot ti tap li lo latet avek en baton, kras lo li. Zot ti azenou e fer sanblan ador li.

Ezai 53:3

I ti ganny meprize e abandonnen. I ti ganny meprize, parey en zonm ki touzour dan douler, ki abitye avek lasoufrans. Konmsi personn pa ti oze lev son regar ver li, zot ti inyor li.

Ezai 52:14

I ti telman defigire, ki bokou ti etonnen ler zot ti war li. I ti nepli resanble en imen.

Liv Zob 30:10

Zot ay mwan, zot pa ti frekant mwan; zot pa ezite kras dan mon figir.

Ester 7:8

Kan lerwa ti rantre sorti dan zarden pale e retourn dan lasal festen, Haman ti'n tonm lo divan kot Ester ti'n akroupi. Lerwa ti kriye, “Eski i pou oze atak larenn devan mwan, kot mwan?” Apenn ki lerwa ti'n dir sa bann parol, ki zot ti kouver latet Haman.

Nonm 12:14

SENYER ti reponn, “Si son papa ti'n kras dan son figir, pa i ti pou dan laont pandan set zour? Alor, met li deor pour set zour e apre sa, i ava kapab repran son plas dan kan.”

Ebre 12:2

Annou gard nou regar fikse lo Zezi ki lorizin nou lafwa, ki anmenn li ziska perfeksyon. Olye lazwa ki i ti merite, i'n aksepte lanmor lo lakrwa, san okenn laont. Aprezan i'n asiz lo kote drwat tronn Bondye.

Mark 10:34

Zot pou monk li, kras lo li, fwet li, e touy li. Me apre trwa zour, i pou resisite.”

Mise 5:1

Aprezan, zabitan Zerizalenm! Sizle zot lekor koman siny dey. Lennmi pe antour nou, ou'n ganny anserkle. Avek en baton, zot tap sef Izrael lo son lazou.

2 Kronik 18:23

Alor, Sedesyas, garson Kenaana, ti koste e kalot Mise lo lazou. I ti dir li, “Ki semen lespri SENYER in pran pour sorti kot mwan pour al koz avek ou?”

Matye 27:30

Zot ti kras lo li, pran sa baton e tap li lo latet.