Biblia Todo Logo
Bib sou entènèt

- Piblisite -




Mark 14:21 - Labib An Kreol Seselwa

21 Parey i'n ganny ekri dan Lekritir: Fis-de-Lonm pou ale. Me maler pour sa zonm par ki Fis-de-Lonm i ganny trai. I ti ava preferab pour li, si i pa ti'n zanmen ne.”

Gade chapit la Kopi




Mark 14:21
28 Referans Kwoze  

Apre sa, Zezi ti war ki tou keksoz ti'n fini realize, e pour akonpli Lekritir, i ti dir, “Mon swaf.”


En peryod 70 semenn in ganny fikse pour ou pep e pour ou lavil sen, pour fer arete transgresyon, e met en lafen avek pese; pour fer disparet tou sa ki mal; pour etabli lazistis pour touzour; pour realiz vizyon ek mesaz sa profet e konsakre en Lasal Tre Sen.


Mon pou met ostilite ant ou e sa fanm, ant ou desandans ek son desandans: I pou kraz ou latet e ou pou mord son talon.


Annefe, i byen vre ki Herod ek Pons-Pilat ti ini ansanm dan sa lavil, avek bann nasyon etranze ek pep Izrael, kont Zezi, ou sen serviter ki ou'n konsakre.


Sa zonm ki Bondye, par son prop volonte e konnesans, ti'n etabli davans dan son plan, i'n ganny livre dan zot lanmen. Bann zonm kriminel ti touy li e klout li lo lakrwa.


pour pran koman fonksyon en zapot, plas ki Zida in kite, pour al dan sa enn ki ti pour li.”


Me tousala in arive pour ki Lekritir ek parol bann profet i ganny akonpli.” Alor, tou son bann disip ti abandonn li e sove.


Me, konman Lekritir pou ganny akonpli? Annefe, Lekritir i deklare ki sa i devre arive.”


La sa ki SENYER liniver i deklare: Lepe! Leve kont mon berze, kont mon zanmi pros. Atak berze pour dispers bann mouton; mon lanmen pou atak bann ki pti.


Apre sa 62 semenn, sa enn ki'n resevwar lonksyon pou ganny detri, san personn pour defann li. Sef en larme ki pou vini, pou detri lavil ek sanktyer, me i pou ganny detri, e lager pou kontinyen ziska lafen; pou annan gran destriksyon.


I ti telman defigire, ki bokou ti etonnen ler zot ti war li. I ti nepli resanble en imen.


Mon swet lanmor lo mon bann lennmi. Fer zot desann vivan dan lemonn lanmor! Annefe, mesanste i dan zot lakaz e dan zot leker.


Apre, i ti dir zot, “Pa sanmenm sa ki mon ti dir zot kan mon ti ankor avek zot: Tou keksoz ki'n ganny ekri lo mon size dan Lalwa Moiz, dan liv bann profet e dan bann Psonm, i bezwen ganny akonpli.”


Fis-de-Lonm pe ale parey Bondye in deside, me maler pour sa zonm ki trai li.”


Tou le zour, mon ti avek zot dan Tanp pe ansennyen, e zot pa ti aret mwan. Me tousala i bezwen arive pour ki Lekritir i ganny akonpli.”


Zezi ti reponn zot, “I enn parmi zot 12; sa enn ki pou met lanmen dan pla avek mwan.


Pandan ki zot ti pe manze, Zezi ti pran dipen. I ti remersye Bondye, kas sa dipen e donn son bann disip. I ti dir, “Pran, sa i mon lekor.”


Swiv nou:

Piblisite


Piblisite