Mark 13:33 - Labib An Kreol Seselwa

³³ Fer atansyon, veye! Annefe, zot pa konnen kan sa moman pou arive.

Mark 13:33 Referans Kwoze

Efezyen 6:18

Gide par Lespri, priye toultan, avek toudsort lapriyer ek siplikasyon. Pour sa, reste vizilan, touzour fidel; priy avek ferver pour tou bann krwayan.

Levanzil dapre Lik 12:40

Zot osi, zot bezwen touzour pare, akoz Fis-de-Lonm pou vin en ler ki zot pa pe mazinen.”

Revelasyon 16:15

La mon pe vini koman en voler! Byennere sa enn ki reste vizilan, e ki gard son lenz lo li, pour li pa mars touni e les war son laont.

1 Pyer 5:8

Reste vizilan, vey byen. Zot lennmi, dyab, pe pas partou. I pe kriye koman en lyon ki pe rode ki i pou devore.

1 Pyer 4:7

Lafen tou keksoz i pros. Pour sa rezon, viv en fason rezonnab avek en lespri vizilan pour zot kapab priye.

Matye 25:13

Zezi ti azoute, “Veye alor, akoz zot pa konn ni zour ni ler.”

Revelasyon 3:2

Leve! Afermi sa ki reste ankor dan ou, avan ki i mor konpletman. Annefe, mon pa'n war okenn ou bann aktivite parfe devan mon Bondye.

1 Korentyen 16:13

Veye! Reste ferm dan lafwa. Pran kouraz e fortifye zot!

Mark 13:23

Me zot, fer byen atansyon! Mon'n averti zot davans lo tou sa ki pou arive.”

Ebre 12:15

Fer atansyon ki personn pa mepriz lagras Bondye. Pa les okenn rasin anmer pouse e koz problenm ki afekte kominote.

Romen 13:14

Abiy zot avek nou Senyer Zezi-Kri; pa les zot ganny antrennen par zot prop natir pour satisfer zot bann dezir.

Kolosyen 4:2

Persevere dan lapriyer; reste vizilan dan lapriyer ki zot adres Bondye avek rekonesans