Mark 12:43 - Labib An Kreol Seselwa

⁴³ Zezi ti apel son bann disip. I ti dir zot, “Mon dir zot, sa i laverite: Sa pov vev in donn plis ki tou lezot.

Mark 12:43 Referans Kwoze

2 Korentyen 8:2

Malgre bann leprev dir ki bann krwayan in pas ladan, zot lazwa ti telman gran, ki zot i'n montre zot byen zenere, menm si zot pov.

Akt de Zapot 11:29

Alor, bann disip ti deside dapre zot mwayen, anvoy en kontribisyon pour bann frer ki ti reste dan Zide.

2 Korentyen 8:12

Annefe, si nou met nou bonn volonte, Bondye i aksepte nou don, pa dapre sa ki nou napa, me dapre sa ki nou annan.

Matye 10:42

En dimoun ki donn menm en ver delo fre sa enn ki pli pti parmi mon bann disip, akoz i mon disip, mon dir zot, sa i laverite: I pa pou perdi son rekonpans.

Mark 12:42

En pov vev ti vini e met de pti sou.

Mark 12:44

Annefe, lezot in donn sa ki zot ti annan an plis. Me li, dan son mizer, i'n donn tou sa ki i ti posede, tou sa ki i ti annan pour viv.”

Levanzil dapre Zan 8:20

Zezi ti dir tousala kan i ti pe ansennyen dan Tanp, landrwa kot bann lofrann larzan ti ete. Personn pa ti aret li, akoz son ler pa ti ankor arive.