Mark 12:33 - Labib An Kreol Seselwa

³³ Sakenn i devre kontan Bondye avek tou son leker, tou son lentelizans e tou son lafors. I devre osi kontan son prosen parey li menm. Sa i vo plis ki tou bann sakrifis ek bann sakrifis konplet.”

Mark 12:33 Referans Kwoze

Oze 6:6

Lanmour ki mon oule, pa sakrifis zannimo. Mon prefer konnesans Bondye, pa sakrifis konplet.

1 Samyel 15:22

Samyel ti dir, “Eski SENYER i pran otan plezir dan lofrann ek sakrifis plito ki dan lobeisans sa enn ki ekout lavwa SENYER? Lobeisans i vomye ki sakrifis. Soumisyon i vomye ki lagres bouk.

Matye 12:7

In ekri: Mon oule konpasyon pa sakrifis zannimo. Si zis zot ti konpran sa, zot pa ti ava'n kondann bann inosan.

Matye 9:13

Al rode ki savedir sa bann parol Lekritir: Konpasyon ki mon oule, pa sakrifis zannimo. Annefe mon pa'n vin apel bann dimoun ki zis, me bann peser.”

Psonm 50:23

Sa enn ki anmenn mwan son lofrann, i onor mwan. Sa enn ki mars dan bon semen, mon pou fer li war delivrans Bondye.

Ebre 10:8

Dabor Zezi ti deklare: Ou pa'n oule e ou pa'n aksepte ni sakrifis, ni lofrann, ni zannimo brile lo lotel, ni sakrifis pour pardon pese. Pourtan, sa i bann lofrann ki Lalwa Moiz i ordonnen.

Proverb 21:3

SENYER i prefer ladrwatir ek lazistis, plito ki bann sakrifis.

Deterononm 6:5

Ou ava kontan SENYER, ou Bondye avek tou ou leker, avek ou et antye e avek tou ou lafors.