Mark 10:49 - Labib An Kreol Seselwa

⁴⁹ Zezi ti arete. I ti dir, “Apel sa zonm.” Alor zot ti apel sa zonm aveg. Zot ti dir li, “Pran kouraz. Leve, i apel ou.”

Mark 10:49 Referans Kwoze

Levanzil dapre Lik 18:40

Zezi ti arete e donn lord pour anmenn sa aveg kot li. Kan sa aveg ti devan li, Zezi ti demann li,

Levanzil dapre Zan 11:28

Apre ki Mart ti'n dir sa, i ti retournen e al apel son ser Mari. I ti dir li dousman, “Nou Met in arive, e pe rod ou.”

Ebre 2:17

Pour sa rezon, ti neseser ki i vin an tou, parey son bann frer. Konmsa, i'n vin zot Gran-Pret ranpli avek bonte e fidel dan son servis devan Bondye, pour fer sir ki pese lepep i ganny pardonnen.

Psonm 145:8

SENYER i bon e i pran pitye; i pasyan e son fidelite i gran.

Psonm 86:15

Me ou SENYER! Ou en Bondye ki annan konpasyon e ki pran pitye. Ou pasyan; ou fidelite e ou bonte i gran.

Ebre 4:15

Annefe, nou Gran-Pret i enn ki kapab soufer avek nou dan nou febles. I sa enn ki'n ganny tante dan tou keksoz, parey nou, me san komet okenn pese.

Matye 9:2

Dimoun ti anmenn kot li en zonm paralize lo en lanmak. Kan zezi ti war lafwa sa bann dimoun, i ti dir avek sa zonm paralize, “Pran kouraz, mon garson, ou pese in ganny pardonnen.”

Mark 10:50

Deswit i ti zet son lenz ater, sot debout e al kot Zezi.