Mark 10:45 - Labib An Kreol Seselwa

⁴⁵ Annefe, Fis-de-Lonm pa'n vini pour ganny servi, me pour servi e donn son lavi koman en ranson pour sov bokou dimoun.”

Mark 10:45 Referans Kwoze

Matye 20:28

Dan sa menm fason, Fis-de-Lonm pa'n vini pour ganny servi, me pour servi e donn son lavi koman pri pour liber bokou dimoun.”

2 Korentyen 8:9

Annefe, zot konn lagras nou Senyer Zezi-Kri: Ris ki i ti ete, i'n fer li pov pour zot, pour ki zot vin ris par son povrete.

Let Pol pour bann Tit 2:14

Annefe, Zezi-Kri i'n donn son prop lavi pour nou, pour delivre nou dan tou mal e pirifye nou koman en pep ki pour li, en pep zele pour fer sa ki byen.

Levanzil dapre Zan 13:14

Alor, si mwan zot Senyer e zot Met, mon'n lav zot lipye, zot osi, zot devre lav lipye kanmarad.

Levanzil dapre Zan 10:15

Parey mon Papa i konn mwan e mwan mon konn mon Papa, mon donn mon lavi pour mon bann mouton.

Ebre 5:8

Menm si i ti Garson Bondye, par tou sa ki i ti soufer, i ti aprann lobeisans.

1 Pyer 1:19

me par disan presye Kris, ki'n ofer li menm koman en zenn mouton san defo e san okenn tas.

2 Korentyen 5:21

Kris pa'n fer okenn pese. Me Bondye in sarz li avek tou nou pese, pour ki par li, Bondye i rekonnet nou koman zis.

Danyel 9:26

Apre sa 62 semenn, sa enn ki'n resevwar lonksyon pou ganny detri, san personn pour defann li. Sef en larme ki pou vini, pou detri lavil ek sanktyer, me i pou ganny detri, e lager pou kontinyen ziska lafen; pou annan gran destriksyon.

Galat 3:13

Kris in liber nou kont malediksyon Lalwa, akoz i'n pran malediksyon dan nou plas. Annefe, Lekritir i deklare: Modi sa enn ki ganny pann lo en pye dibwa.

Danyel 9:24

En peryod 70 semenn in ganny fikse pour ou pep e pour ou lavil sen, pour fer arete transgresyon, e met en lafen avek pese; pour fer disparet tou sa ki mal; pour etabli lazistis pour touzour; pour realiz vizyon ek mesaz sa profet e konsakre en Lasal Tre Sen.

Mark 10:44

Si i oule vin premye i bezwen vin zot lesklav.