Mark 10:29 - Labib An Kreol Seselwa

²⁹ Zezi ti dir li, “Mon dir zot, sa i laverite: Sa enn ki'n kit lakaz, frer, ser, manman, papa, zanfan, oubyen later akoz mwan e akoz Bonn Nouvel,

Mark 10:29 Referans Kwoze

1 Korentyen 9:23

Mon fer tousala pour Bonn Nouvel, pour ki mon ava ganny en par dan bann byen ki i promet.

Mark 8:35

Annefe, tou dimoun ki anvi sov son lavi, pou perdi li. Me sa enn ki perdi son lavi akoz mwan e akoz Bonn Nouvel, pou sov li.

Revelasyon 2:3

Mon konnen ki ou annan perseverans. Ou'n soufer tou akoz mon non, e ou pa'n dekouraze.

Matye 10:18

Akoz mwan, zot pou ganny anmennen devan bann gouverner ek bann lerwa. Zot ava mon temwen devan zot e devan bann non-Zwif.

Zenez 45:20

Pa trakas pour zot bann byen, akoz zot pou ganny meyer landrwa dan Lezip.”

Matye 6:33

Rod plito Rwayonm Bondye ek son lazistis, e li menm i ava donn zot leres ki zot bezwen.

Matye 19:29

Tou bann ki'n kit zot lakaz, frer, ser, papa, manman, zanfan, propriyete akoz mwan, pou ganny 100 fwa plis e zot pou erit lavi eternel.

Levanzil dapre Lik 18:29

Zezi ti dir zot, “Mon dir zot, sa i laverite: Sa enn ki'n kit lakaz, fanm, frer, paran oubyen zanfan, pour lakoz Rwayonm Bondye,