Levitik 7:21 - Labib An Kreol Seselwa

²¹ Nenport ki parmi zot ki tous en keksoz enpir, swa en imen, en zannimo, ouswa nenport lezot keksoz enpir, e sa enn ki manz lavyann sakrifis lape pour SENYER, ava ganny rezete parmi son fanmir.

Levitik 7:21 Referans Kwoze

Ezekyel 4:14

Alor, mon ti reponn, “Senyer BONDYE! Depi mon lazenes ziska ozordi, mon pa'n zanmen manz lavyann zannimo mor natirelman, oubyen desire par zannimo sovaz. Okenn lavyann enpir pa'n zanmen antre dan mon labous.”

Levitik 12:1

SENYER ti koz avek Moiz:

Levitik 11:20

Ou ava konsider bann pti bebet avek lezel ki mars lo zot kat lapat koman degoutan.

Deterononm 14:10

Me ou pa pou manz tou bann ki napa nazwar ek lekay; zot enpir pour ou.

Deterononm 14:3

Ou pa pou manz nanryen ki enpir.

Levitik 22:4

Personn parmi bann desandan Aaron ki annan en maladi ki parey lalep oubyen ki annan en desarz, pa pou kapab manz bann lofrann sakre, ziska ki i'n pirifye li. Sa i aplik osi pour sa enn ki'n tous en kadav, sa enn ki son sperm in koule,

Levitik 18:29

Sa enn ki pratik okenn sa bann aksyon degoutan pou ganny sase parmi son pep.

Levitik 17:14

Lavi tou kreatir i dan son disan. Pour sa rezon ki mon'n dir pep Izrael: Ou pa pou manz disan okenn kreatir, akoz lavi tou kreatir i dan son disan; nenport dimoun ki manz li, pou ganny rezete dan kominote Izrael.

Levitik 17:10

Si en Izraelit oubyen en etranze ki pe reste parmi zot i manz disan nenport zannimo, mon pou tourn kont sa dimoun, e mon pou rezet li parmi son pep.

Levitik 7:27

Sa dimoun ki manz okenn disan, i ava ganny rezete parmi son fanmir.

Levitik 7:25

Sa enn parmi zot, ki manz lagres en zannimo ofer koman sakrifis devan SENYER, brile dan dife, i ava ganny rezete parmi son fanmir.

Levitik 7:20

Me en dimoun ki dan en leta enpir, e ki manz lavyann sakrifis lape ki'n ganny ofer devan SENYER, i ava ganny rezete parmi son fanmir.

Egzod 12:19

Pandan set zour pa devre annan okenn lelven dan zot lakaz. Si okenn dimoun i manz keksoz avek lelven, ki i en etranze oubyen en sitwayen, i ava ganny sase parmi pep Izrael.

Egzod 12:15

Pandan set zour, zot pou manz dipen san lelven. Depi premye zour, zot devre tir tou lelven dan zot lakaz. Si en dimoun i manz dipen kwi avek lelven ant premye zour ek setyenm zour, i pou ganny sase parmi pep Izrael.

Zenez 17:14

En mal ki pa'n ganny sirkonsi dan son laser pou ganny separe parmi son pep, akoz in kas mon lalyans.”

Levitik 7:22

SENYER ti koz avek Moiz:

Levitik 22:3

Dir zot: Si dan bann zenerasyon fitir, en zonm sorti dan fanmir bann pret i apros bann lofrann sakre ki pep Izrael in ofer mwan, alor ki i dan en leta enpir, sa zonm pou ganny retire pour touzour dan mon servis. Mwan menm SENYER.

Nonm 19:22

Tou keksoz ki en dimoun enpir i touse pou vin enpir. Tou dimoun ki i touse pou vin enpir ziska aswar.

1 Samyel 20:26

Sa zour, Sail pa ti dir nanryen, akoz i ti mazinen: I zis par azar; i enpir; sertennman ki i enpir.

Levitik 19:8

Sa enn ki manz sa, ava pe profann keksoz ki'n konsakre pour mwan. I ava koupab akoz in komet en fot. I ava ganny ekskli parmi lepep.

Levitik 20:3

Mwan menm, mon pou tourn kont sa zonm. Mon pou sas li parmi mon pep akoz in donn enn son zanfan bondye Molek, rann enpir mon sanktyer e dezonor mon non sen.

Levitik 23:29

Sa enn ki pa fer zenn sa lazournen antye, ava ganny met an deor kominote Izraelit.

Ezekyel 33:25

Alor, dir zot: La sa ki Senyer BONDYE i deklare: Zot manz lavyann avek son disan, zot ador zot bann zidol, zot fer krim, zot krwar zot pou kapab pran posesyon sa pei?