Levitik 7:13 - Labib An Kreol Seselwa

¹³ Pour akonpanny son sakrifis lape ek remersiman, i ava osi anmenn bann lofrann gato fer avek lelven.

Levitik 7:13 Referans Kwoze

Amos 4:5

Ofer lofrann remersiman avek dipen leve. Proklanm bann lofrann, devan pep Izrael! Sanmenm ki zot kontan! Senyer BONDYE ki deklare.

Levitik 23:17

Zot ava anmenn pour rityel prezantasyon sorti kot zot, de dipen fer avek trwa kilo lafarin meyer kalite e kwi avek lelven. Sa i ava premye lofrann dipen pour SENYER.

1 Timote 4:4

Annefe, tou sa ki Bondye in kree i bon, nanryen pa devre ganny rezete, pourvi ki zot pran li avek rekonesans

Matye 13:33

Zezi ti rakont zot ankor en lot parabol, “Rwayonm lesyel i parey lelven ki en fanm i pran e melanz avek 25 kilo lafarin ki fer monte lapat antye.”

Levitik 2:12

Ou kapab ofer SENYER lofrann premye fri, me fodre pa bril li lo lotel pour li donn en loder ki fer plezir.

Levitik 23:18

Avek sa dipen, zot ava prezant set zenn mouton enn an, san tas, en zenn toro ek de bouk. Sa i ava en sakrifis konplet par dife pour SENYER, ansanm avek lofrann vezetal, lofrann labwason, en lofrann brile par dife ki anvoy en loder ki fer plezir SENYER.

Zeremi 33:11

tapaz lafet, dimoun riye, bann zenn marye sante. Ou pou antann dimoun pe sante kan zot pe anmenn zot lofrann remersiman dan tanp SENYER: Loue SENYER liniver, akoz SENYER i bon, e son fidelite i pour touzour! Annefe, SENYER i deklare: Mon pou redonn sa pei son prosperite parey i ti ete avan.