Levitik 26:9 - Labib An Kreol Seselwa

⁹ Mon pou pran swen avek zot. Mon pou donn zot bokou zanfan e fer zot popilasyon ogmante; mon pou gard mon lalyans avek zot.

Levitik 26:9 Referans Kwoze

Psonm 107:38

SENYER i beni zot e zot popilasyon i ogmante; i pa les zot troupo diminyen.

Ezekyel 16:62

Mon pou renouvle mon lalyans avek ou. Konmsa ou ava konnen ki mwan menm SENYER.

Nehemi 9:23

Ou ti ogmant zot desandan parey zetwal dan lesyel; ou ti anmenn zot dan sa pei ki ou ti dir zot bann zanset antre pour pran posesyon.

Ezai 55:3

Met ou zorey apik! Vin kot mwan; Ekoute e ou ava viv! Mon pou fer avek ou en lalyans eternel; mon fidelite pour David i asire.

Zenez 28:3

Bondye Toupwisan ava beni ou e donn ou bokou zanfan, pour ki ou ava vin en gran pep.

Zeremi 33:3

Apel mwan e mon ava reponn ou; mon pou montre ou bann gran sekre ki ou pa konnen.

Deterononm 28:11

SENYER ava fer ou prospere. I ava donn ou bokou zanfan, ogmant ou bann troupo, ek prodwi ou later, dan sa pei ki SENYER in fer serman avek ou bann zanset pour donn ou.

Levanzil dapre Lik 1:72

In montre son bonte anver nou bann zanset e i pa'n oubliy son lalyans sen.

Psonm 89:3

Ou'n deklare: Mon'n fer en lalyans avek sa enn ki mon'n swazir; mon'n promet David mon serviter:

Deterononm 28:4

SENYER ava beni ou bann zanfan, ou bann rekolt, ou troupo; i pou ogmant ou troupo bef ek ou troupo mouton.

Egzod 6:4

Mon ti osi etabli mon lalyans avek zot, pour donn zot pei Kanaan, sa pei kot zot ti viv koman etranze.

Egzod 2:25

Bondye ti regard bann Izraelit e i ti konpran.

Egzod 1:7

Bann Izraelit ti annan bokou zanfan. Zot ti ranpli Lezip e vin deplizanpli tre for.

Zenez 28:14

Ou desandans pou nonbre parey lapousyer later e zot pou agrandi dan Was e dan Les, dan Nor e dan Sid. Atraver ou ek ou bann desandan, tou fanmir lo later pou ganny beni.

Zenez 26:4

Mon pou ogmant ou desandans e fer zot vin parey zetwal dan lesyel. Mon pou donn ou desandans tou sa bann pei, e par ou desandans, tou bann nasyon lo later pou ganny beni.

Zenez 17:20

Kanta Ismael, mon'n antann ou demann; mon pou beni li e donn li bokou zanfan e ogmant son bann desandan. I pou vin papa 12 sef e mon pou fer li vin en gran nasyon.

Zenez 6:18

Mon pou etabli mon lalyans avek ou; ou ava antre dan lars ou, ou bann garson, ou fanm ek bann fanm ou bann garson.

Ebre 8:9

I pa pou parey sa lalyans ki mon ti fer avek zot zanset, zour ki mon ti atrap zot lanmen, e fer zot sorti dan pei Lezip. Akoz zot pa ti fidel anver mon lalyans, mon pa ti pran ka avek zot, Senyer i deklare.

Nehemi 2:20

Mon ti reponn zot, “Bondye dan lesyel ki pou fer nou reisi. Nou son bann serviter, nou pou konmans rekonstri lavil. Me zot, zot napa okenn par ladan, okenn drwa, napa nanryen pour zot dan Zerizalenm.”

2 Rwa 13:23

SENYER ti pran pitye pour zot e i ti pardonn zot, akoz son lalyans ki i ti'n fer avek Abrahanm, Izaak, ek Zakob. I pa ti oule detri zot; ziska aprezan, i pa'n rezet zot lwen avek li.

Zenez 1:28

Bondye ti beni zot. I ti dir: Zot ava fer zanfan, zot ava ogmante e ranpli later; zot ava soumet anba zot dominasyon, tou pwason dan lanmer, tou zwazo dan lesyel ek tou zannimo ki bouze lo later!

Zenez 22:17

mon pou beni ou. Mon pou ogmant ou desandans e fer zot vin parey zetwal dan lesyel e parey bann gren disab lo bor lanmer. Ou desandans pou pran posesyon bann lavil zot bann lennmi.

Zenez 48:4

I ti dir mwan: Mon pou fer ou ganny zanfan e vin en gran pep e mon pou donn sa later ou bann desandans koman son posesyon pour touzour.”

Levitik 26:15

si zot rezet mon bann regleman, mepriz mon bann lalwa; si zot pa obzerv mon bann komannman, si zot kas mon lalyans,

Deterononm 7:13

I pou kontan ou, beni ou, fer ou vin nonbre. I pou beni ou bann zanfan e fri ou later: Ou dible, ou diven ek ou delwil. I pou beni ou bann zannimo: Zenis e bann zenn mouton, lo later ki i'n fer serman avek ou bann zanset pour li donn ou.

Ezekyel 36:9

Mon la lo zot kote, mon pou tourn ver zot! Mon pou fer sir ki zot later pou ganny kiltive e legren pou ganny senmen dan zot later.

1 Rwa 3:8

Mon trouv mwan koman sef sa pep ki ou'n swazir, sa pep telman gran ki pa kapab ganny konte.

Zeremi 23:3

Mwan menm ki pou rasanble leres mon troupo, dan tou sa bann pei kot mon'n sas zot; mon pou fer zot retourn dan zot pei kot zot ava fer bokou zanfan.

Zeremi 23:4

Mon pou donn zot bann bon berze pour diriz zot, ki pou pran swen avek zot. Avek zot, mon pep pou nepli per, ni konn lafreyer; pa pou annan enn ki pou manke; SENYER i deklare.