9 SENYER ti koz avek Moiz:
Pandan set zour, zot ava prezant SENYER bann sakrifis brile. Pou annan en rasanbleman sakre setyenm zour. Zot pa pou fer okenn travay tou le zour.
Dir avek pep Izrael: Kan zot ava antre dan sa pei ki mon pe donn zot, ler zot ava fer rekolt, zot ava anmenn kot pret, premye tiz dan sa rekolt.
Ou ava selebre lafet Larekolt, lafet bann premye fri ou travay, lafet sa ki ou ti senmen dan ou plantasyon. Alafen lannen, ou ava selebre lafet Larekolt, kan ou ava rekolte fri ou travay.
