Levitik 11:7 - Labib An Kreol Seselwa

⁷ Koson, ki annan sabo fann an de, me i pa rimin son manze; ou ava konsider li koman enpir.

Levitik 11:7 Referans Kwoze

Ezai 66:17

SENYER i deklare: Tou sa bann ki konsakre zot e pirifye zot pour al dan bann zarden kot zot mars enn deryer lot, ki manz lavyann pork, bann zannimo degoutan. Zot tou, zot pou mor ansanm.

Ezai 66:3

Dimoun i ofer en toro pour sakrifis, me zot osi touy en imen. Dimoun i egorz en mouton, me zot osi kas likou en lisyen. Dimoun i ofer en sakrifis sereal, me zot osi ofer disan koson. Dimoun i fer lofrann memoryal lansan, me zot osi beni en zidol. Zot in swazir zot prop semen. Zot pran plezir dan zot bann pratik degoutan.

Ezai 65:4

ki reste dan bann latonm e pas lannwit dan bann kavern ros; ki manz lavyann pork. Tou zot bann resipyan i ranpli avek manze enpir.

Deterononm 14:8

Ou pa pou manz koson; son sabo i fann an de, me i pa riminen; i enpir. Ou pa pou manz zot lavyann, ni tous zot kadav.

Levanzil dapre Lik 15:15

Alor, i ti al rod travay kot enn bann zabitan sa pei, ki ti anvoy li lo son laferm pour vey koson.

Levanzil dapre Lik 8:33

Sa bann demon ti sorti dan sa zonm e antre dan bann koson. Deswit, troupo koson ti tay an desandan; zot ti sot dan lak e zot ti noye.

Matye 7:6

Pa donn avek lisyen sa ki pour Bondye. Zot kapab retourn kont ou e desir ou. Pa zet ou bann perl devan bann koson. Zot kapab pil lo la.

Levitik 11:3

Zot ava kapab manz bann zannimo ki annan sabo fann an de e ki rimin zot manze.

Levitik 11:6

Lapen, ki rimin son manze, me i napa sabo fann an de; ou ava konsider li koman enpir.

Levitik 11:8

Ou pa devre manz zot lavyann, ni tous zot kadav; ou ava konsider zot koman enpir.