Levitik 11:10 - Labib An Kreol Seselwa

¹⁰ Me parmi tou sa bann ki viv dan lanmer oubyen dan larivyer, bann ki napa nazwar ek lekay, parmi bann pti bebet ki viv dan delo, zot pa devre manze; ou ava konsider zot koman en keksoz degoutan.

Levitik 11:10 Referans Kwoze

Proverb 29:27

En dimoun enzis i degoutan pour sa enn ki zis; me sa enn ki zis i pas pour degoutan pour sa enn ki enzis.

Levitik 7:18

Si en dimoun i manz lavyann son sakrifis lape son trwazyenm zour, sa sakrifis pa pou konte, e sa dimoun pa pou ganny aksepte. I pa akseptab, e sa enn ki'n manz sa, ava responsab son fot.

Proverb 13:20

Si ou frekant en saz, ou menm, ou ava vin saz; Si ou frekant dimoun ki bet, ou pou ganny problenm.

Deterononm 14:3

Ou pa pou manz nanryen ki enpir.

Revelasyon 21:8

Me pour bann las, bann enfidel, bann dimoun degoutan, bann kriminel, bann prostitye, bann sorsye, bann adorater zidol, ek tou bann manter, zot plas pou dan lak dife ek souf. Sa i dezyenm lanmor.

Zenez 1:20

Bondye ti dir: Bann delo ava ranpli avek toudsort kreatir vivan, e i ava annan bann zwazo ki anvole dan lesyel par lao sirfas later!

Levitik 11:9

Parmi sa bann zannimo ki viv dan delo, la sa ki zot ava manze: Tou bann zannimo ki viv dan delo, swa dan lak, ouswa dan larivyer, ki annan nazwar ek lekay. Sa ou ava kapab manze.

Levitik 11:11

Zot ava reste koman en keksoz degoutan; ou pa pou manz zot lavyann. Ou ava konsider zot kadav koman en keksoz degoutan.

Deterononm 14:10

Me ou pa pou manz tou bann ki napa nazwar ek lekay; zot enpir pour ou.