Let Zid 1:4 - Labib An Kreol Seselwa

⁴ Annefe, i annan serten dimoun move ki'n antre sekretman parmi nou. Zot deform lansennyman konsernan lagras nou Bondye, pour zistifye zot lavi imoral. Zot rezet Zezi-Kri, nou sel Met e Senyer. Depi lontan, Lekritir in anons zot kondannasyon.

Let Zid 1:4 Referans Kwoze

Galat 2:4

Ti annan serten, sepandan, bann fo frer, ki ti pretann ki zot bann krwayan. Zot ti zwenn avek nou group an sekre koman bann espyon pour obzerv laliberte ki nou posede dan Zezi-Kri, pour fer nou vin lesklav lalwa.

2 Pyer 2:10

I pou pini sirtou bann ki swiv zot bann dezir enpir e mepriz lotorite Bondye. Sa bann fo ansennyan, zot annan lodas ek larogans, san okenn respe, pour ensilte bann kreatir glorye ki dan lesyel.

1 Zan 2:22

Alor, lekel ki manter? Sa enn ki deklare ki Zezi pa Kris. Li menm lennmi Kris: Sa enn ki rezet Papa ek son Garson.

1 Pyer 2:16

Konport zot koman bann vre zonm lib. Pa itiliz zot liberte koman en tapi pour kouver sa ki mal, me azir koman bann serviter Bondye.

1 Pyer 2:8

Lekritir i osi deklare: Sa i en ros kot dimoun pou ganny konnyen, en ros ki pou fer dimoun tonbe. Zot in tonbe akoz zot pa'n krwar dan Lekritir; sa ti zot desten.

2 Timote 3:6

Serten parmi zot i antre dan bann lakaz e soumet anba zot lenfliyans, bann fanm feb ki sarze avek pese, ki les zot ganny antrennen par toudsort kalite pasyon.

Galat 5:13

Mon bann frer ek ser! Zot in ganny apele pour viv lib. Me selman, pa fer sa liberte en preteks pour viv dapre dezir zot natir. O kontrer, les zot ganny gide par lanmour pour servi kanmarad.

2 Pyer 3:7

Kanta lesyel ek later aktyel, zot in ganny prezerve par sa menm parol, pour zot ganny detri par dife plitar. Zot i'n ganny garde pour sa zour zizman kan bann malfeter pou ganny detri.

Psonm 62:2

Zis li mon Ros protekter e li tousel ki sov mwan, mon fortres; mon pa pou zanmen tonbe.

Psonm 1:1

Byennere sa enn ki pa ekout konsey bann malfeter, ki pa swiv legzanp dimoun ki fer sa ki mal, ki pa asiz parmi bann dimoun moker!

Let Zid 1:15

I pou egzers son zizman lo tou dimoun. I pou kondann tou bann peser pour tou zot bann move aksyon ki zot in komet, kan zot ti revolte kont Bondye; pour tou zot bann parol lensilt ki zot in dir kont li.

1 Pyer 4:18

Parey Lekritir i deklare: Si sa enn ki zis i ganny sove difisilman, ki pou arive avek sa enn ki annan en move lavi ek bann peser?

Efezyen 4:14

Alor, nou pou nepli parey bann zanfan ki ganny trennen par laroul, e pouse partou par nenport ki divan lansennyman ki dimoun rize i fannen pour antrenn lezot dan lerer.

Akt de Zapot 15:24

Nou konnen ki i annan serten dimoun ki sorti kot nou, ki'n vin trouble e fatig zot par serten parol. Nou pa ti'n donn sa bann dimoun okenn manda pour fer sa.

Akt de Zapot 11:23

Kan i ti ariv Antyos, i ti war ki mannyer Bondye ti'n beni son pep. I ti kontan e i ti ankouraz zot pour reste fidel anver Senyer.

Levanzil dapre Zan 17:3

Lavi eternel, se ki zot konn ou koman sel vre Bondye, ek Zezi-Kri ki ou'n anvoye.

Matye 13:25

Letan tou dimoun ti pe dormi, en lennmi ti vini e senm move zerb dan milye son plantasyon dible. Apre i ti ale.

Revelasyon 15:4

Senyer! Lekel ki pou refize onor ou? Lekel ki pou refize rann ou glwar? Zis ou tousel ki sen. Tou nasyon pou vin ador ou, akoz ou zizman in ganny revele.

2 Samyel 22:5

Kouran lanmor ti'n antortiy mwan, gro laroul destriksyon ti ranpli mwan avek lafreyer;

1 Timote 5:8

Sa enn ki pa pran swen son parante, sirtou son prop fanmir pros, i'n abandonn lafwa; i pir ki en non-krwayan.

2 Timote 2:12

Si nou persevere, avek li nou pou rennyen. Si nou rezet li, li osi i pou rezet nou.

2 Pyer 2:7

Me i ti delivre Lot, en zis, ki ti byen sagrinen par kondwit deregle bann kriminel dan son lepok.

Let Zid 1:18

Zot ti dir: Dan dernyen letan, pou annan bann moker, ki pou viv dapre zot prop move dezir.