Lamantasyon 3:41 - Labib An Kreol Seselwa

⁴¹ Annou lev nou leker ek nou lanmen ver Bondye ki dan lesyel.

Lamantasyon 3:41 Referans Kwoze

Psonm 25:1

SENYER! Mon vin kot ou.

Psonm 28:2

Ekout mon siplikasyon kan mon kriy ver ou. Mon lev mon lanmen ver ou, dan ou sanktyer sen.

Psonm 86:4

Fer kontan leker ou serviter, akoz mon lev mon leker ver ou SENYER.

1 Tesalonisyen 2:8

Akoz nou lafeksyon pour zot, nou ti pare pour anons zot non selman Bonn Nouvel Bondye, me osi donn nou prop lavi pour zot, akoz nou lanmour pour zot i gran.

Psonm 141:2

Aksepte mon lapriyer parey lansan ki mont kot ou e mon lanmen i leve parey en lofrann aswar.

Psonm 63:4

Mon pou kontinyen remersye ou tou mon lavi; mon pou lev mon lanmen pour glorifye ou non.

Liv Zob 11:13

Me si ou sanz ou leker; si ou lev ou lanmen ver Bondye;

Psonm 134:2

Lev lanmen ver sanktyer e loue SENYER.

Ezai 57:15

La sa ki sa enn ki plase tre, tre o, ki son demer i dan leternite, ki port non Sen i deklare: Mon reste lao dan en landrwa ki sen, me osi avek bann ki'n ganny kraze, osi avek bann ki'n ganny abese; pour relev lespri bann ki'n ganny kraze, pour relev lespri bann ki'n ganny abese.