Lamantasyon 1:13 - Labib An Kreol Seselwa

¹³ Depi lao dan lesyel, in anvoy dife ki'n penetre mon lezo. I'n met en latrap anba mon lipye e i'n fer mwan savire. I'n abandonn mwan; mon douler pa zanmen fini.

Lamantasyon 1:13 Referans Kwoze

Habakouk 3:16

Mon tande e mon tranble dan mwan menm; sa tapaz i fer mon lalev tranble; mon bann lezo pe pouri; mon lazanm i tranble. Dan silans, mon atann zour maler, pour fer fas avek sa pep ki vin atak nou.

Liv Zob 30:30

Mon lapo in vin nwanr e i pe deplise; lafyev pe bril mwan ziska dan mon lezo.

Ezekyel 17:20

Mon pou fer li tonm dan en latrap, i pou pri; mon pou fer anmenn li Babilonn e mon pou ziz li pour son lenfidelite anver mwan.

Psonm 22:14

Mon lafors in koule parey delo; tou mon bann lezo in large. Parey lasir, mon leker i fonn dan mon pwatrin.

Liv Zob 19:6

Bondye ki'n fer mwan soufer. In anvlop mwan dan son lasenn.

Ebre 12:29

Annefe, nou Bondye i en dife ki devor tou.

Nahoum 1:6

Lekel ki kapab reziste dan son lakoler? Lekel ki kapab siport lasaler son lakoler? Son rankin i propaze parey dife. Bann ros i fann devan li.

Ezekyel 12:13

Mon pou met mon lasenn lo li e fer li pri dan mon pyez. Mon pou anmenn li Babilonn, dan pei bann Kaldeen. Me i pa pou war sa pei; i pou mor laba.

Psonm 66:11

Ou'n fer nou tonm dan en latrap; ou'n met bann fardo lo nou ledo.

2 Tesalonisyen 1:8

I pou vin dan en laflanm dife, pour pini bann ki refiz konn Bondye ek bann ki pa obei Bonn Nouvel nou Senyer Zezi.

Oze 7:12

Letan zot pe ale, mon zet en latrap lo zot; mon fer zot tonbe parey zwazo; mon pou koriz zot pour krim ki zot in fer.

Ezekyel 32:3

La sa ki Senyer BONDYE i deklare: Mon pou anvoy mon lasenn lo ou parmi bann pep ki'n rasanble e zot pou trenn ou dan mon lasenn.

Lamantasyon 5:17

La rezon akoz nou leker i malad. La rezon akoz nou pa war byen kler:

Lamantasyon 1:22

Fer anmenn tou zot bann forfe devan ou. Tret zot parey ou ti tret mwan akoz mon bann pese. Mon pe plennyen akoz mon soufrans i gran e mon leker i malad.

Zeremi 44:6

Alor, parey en dife, lavyolans mon lakoler e mon lendinyasyon in bril bann lavil Zida e bann lari dan Zerizalenm. Tou i an rin, tou i zis en dezer ziska ozordi.

Ezai 42:17

Sa bann ki met zot konfyans dan bann zidol, ki dir avek zot bann stati: Zot menm nou bondye, zot pou ganny rezete, zot pou dan laont!

Psonm 129:5

Fer tou sa ki deteste Zerizalenm rekile avek laont.

Psonm 35:4

Kouver sa bann ki oule touy mwan avek laont ek dezoner. Fer sa bann ki pe fer konplo kont mwan rekile e kanmi.

Psonm 31:10

Mon lavi pe fini dan langwas; mon bann lannen i fini dan plere. Akoz mon bann pese, mon perdi kouraz. Menm mon bann lezo in large.

Liv Zob 18:8

Son prop lipye pou anmenn li dan en lasenn, e i deza pe mars dan son bann may.

Deterononm 28:65

Ou pa pou ganny latrankilite parmi sa bann nasyon; ou pa pou ganny okenn landrwa pour poz ou lipye. La, SENYER ava rann ou enkyet, tris e ou ava tonm dan dezespwar.

Psonm 38:8

Mon nepli annan lafors, mon'n kase; mon ronfle avek douler dan mon leker.

Psonm 140:5

Bann dimoun arogan in plas en latrap pour mwan. Zot in anmar en lakord, en lasenn obor semen. Zot in met en pyez pour mwan.

Egzod 12:9

Pa manz sa lavyann kri oubyen bwi dan delo, me roti lo dife, avek son latet, lapat ek trip.

Lamantasyon 3:11

I'n fer mwan perdi mon semen; i'n desir mwan e abandonn mwan.